देउवाले राजधानीबारे गरेको निर्णय २ बर्षपछि नेकपाले ठिक ठान्यो : बानियाँ

२१ पुस, हेटोँडा । ३ नम्बर प्रदेशका प्रमुख प्रतिपक्ष दल नेपाली कांग्रेसका नेता इन्द्रबहादुर बानियाँले नेकपाले आफ्नो प्रदेश संसदीय दललाई निर्देशन दिने प्रक्रिया गलत भएको बताएका छन् । 
सोमबारबाट शुरु भएको प्रदेश अधिवेशनको सफलताको शुभकामना व्यक्र गर्दै उनले संविधानले ३ तहको स्पष्ट कामको विभाजन गरेको भन्दै नेकपाले प्रदेश संसदीय दललाई निर्देशन दिनु प्रक्रियागत रुपमा गलत भएको बताए । उनले राजधानी र नाम केन्द्रबाटै भन्नुपर्ने भए जनतालाई २ बर्षसम्म किन अन्यौलमा राखेको भन्दै प्रश्न गरे । उनले नेपाली कांग्रेसका सभापति एवं तत्कालिन प्रधानमन्त्री शेरबहादुर देउवाले दुरदर्शी ढंगले प्रदेशको राजधानी हेटौँडामा राखेको बताए । उनले ढिलै भएपनि कांग्रेस सभापति देउवाले गरेको निर्णय नेकपाले ठिक सावित गरेको बताए । उनले विगतमा पनि मध्यमाञ्चल विकास क्षेत्रको केन्द्र रहेको हेटौँडा हेटौँडाका जनता र सांसदहरुका लागि भन्दा पनि देशकै लागि आवशयक रहेको बताए । 
उनले सबैले आफ्नो घर र आँगन अगाडि राजधानी खोजेर नपाउने भन्दै उनले रणनीतिक अवस्थालाई हेर्नुपर्नेमा जोड दिए । संघीयतालाई पुरानै अवस्था फर्काउने खेल भईरहेको हुन सक्ने भन्दै कांग्रेसले जिम्मेवारीपूर्वक आफ्नो भूमिका निर्वाह गर्ने उनको भनाई थियो । उनले राजधानी र नाम सर्वसम्मतिमै टुंगो लगाउन सबैसंग आग्रह समेत गरे ।