अशान्त बन्दै मकवानपुर क्याम्पस: बिहिबार फेरी ९ जना पक्राउ

फाइल फोटो

२४ पुस, हेटौँडा।मकवानपुर बहुमुखी क्याम्पसबाट प्रहरीले बिहीबार विहान केही विद्यार्थी र गैर विद्यार्थी गरी सहित  ९जनालाइ  पक्राउ गरेको छ । 

क्याम्पसमा झै–झगडा गरी क्याम्पसको वातावरणमा असर पुयाएको  भन्दै प्रहरीले उनीहरुलाई पक्राउ गरेको हो । वडा प्रहरी कार्यालय हेटौँडाबाट प्रहरी निरीक्षक ईश्वरी प्रसाद भण्डारीको टोलीले उनीहरुलाई पक्राउ गरेको जनाईएको छ । क्याम्पसमा शुल्क बृद्धि लगायतका विषयलाई लिएर विद्यार्थी संगठनहरु आन्दोलनमा रहेकै बेला क्याम्पस भन्दा बाहिरका गैैर विद्यार्थी क्याम्पस हाता भित्र प्रवेश गरी झै झगडा गर्ने विद्यार्थी र गैर विद्यार्थी गरी९ विद्यार्थीलाई नियन्त्रणमा लिएको छ ।

यस बिषयमा  जिल्ला प्रहरी कार्यालय मकवानपुरका प्रहरी उपरीक्षक सुशिल सिंह राठौरले बुधबार पक्राउ परेका ६ जना विद्यार्थीलाई सम्झाइ बुझाइ गरेर अभिभावकको जिम्मा लगाएर पठाएको तर सोहीी विद्यार्थी र गैर विद्यार्थी क्याम्पस भित्र प्रवेश गरीझै झगडा गरेकोले ६ जना विद्यार्थी सहित अन्य ३ जना गरी ९ जनालाई पक्राउ गरिएको बताएका छन्।  उनले पक्राउ परेका सबै ९ जनालाई मुद्दा चलाइएको बताए।प्रहरीले पक्राऊ परेकाहरुको नाम सार्वजनिक गरेको छैन । 

पछिल्लो केही दिनदेखि विद्यार्थी संगठन शुल्क बृद्धिको विरोधमा कार्यक्रम चलिरहदा गैर विद्यार्थीहरु क्याम्पस प्रवेशगरी  झै झगडा गर्नेेेे गरेको स्वयं विद्यार्थी संगठन बताउँछन्। यता यस बिषयमा क्याम्पस प्रशासनले कुनैचासो नदेखाएको देखिन्छ।