इन्द्र बानियाँले गरे हेटौंडा १९मा रहेको बौद्ध गुम्बाको भवन शिलान्यास

गुम्बाको निमार्ण हुन लागेको भवनको सिलान्यास गर्दै बानियाँ

१६ माघ, हेटौंडा। बागमती प्रदेशका प्रमूख प्रतिपक्ष दलका नेता ईन्द्रबहादुर बानियाँले डोदोन छ्योईलिङ बौद्ध गुम्बाको भवन शिलान्यास गरेका छन्।

बानियाँले सरस्वती पुजाको अवसर पारेर बिहीबार हेटौंडा उपमहानगरपालिका १९  नेवारपानी स्थित डोदोन छ्योईलिङ बौद्ध गुम्बाको भवन शिलान्याश गरेका हुन।गुम्बाका अध्यक्ष बीरबहादुर मुक्तानको सभाध्यक्षतामा भएको कार्यक्रममा प्रमूख अथिति नेता बानियाँले गुम्बाको चौथो वार्षिक पूजा समापन तथा २८५६ औं सोनाम ल्होसार विशेष सांस्कृतिक कार्यक्रम उदघाटन गर्नुका साथै गुम्बाको निमार्ण हुन लागेको नयाँ भवनको शिलान्याश गरेका हुन।

भवन उदघाटन कार्यक्रममा बोल्दै नेता बानियाँले नेपालमा विभिन्न जातजाती र धार्मिक आस्था भएकाहरुको बसोबास रहेको देश भएकाले आ–आफ्नो धर्म मान्न छुट भएको बताए। उनले  क्षेत्र विकासको २० लाख गुम्बा निर्माण सहयोग गरेको बताउदै  आवश्यक परे पुनः सहयोग गर्ने प्रतिबद्धता व्यक्त गरेका छन्।

कार्यक्रममा १९ नम्बर वडा अध्यक्ष नवराज सुवेदी, प्रमूख धर्मगुरु प्रेम दोर्जे बल, धर्मगुरु सोइनम दोर्जे लामा, शालिकराम अधिकारी, विष्णुलाल स्याङतान, धनबहादुर गुरुङ, पेमा साङ्गे लामालगायतकाले मन्तव्य व्यक्त गरेका थिए।