मुनलाईट स्कूलको अभिभावक भेला सम्पन्न

१७ माघ हेटौडा । हेटौडा–६, चौघडामा रहेको मुनलाईट ईन्टरनेशनल स्कूलको १२ औं अभिभावक भेला तथा विविध साँस्कृतिक कार्यक्रम शुक्रवार सम्पन्न भएको छ । 
भेलामा जिल्ला स्तरीय चित्रकला प्रतियोगितामा प्रथम हुने सोलिडयारिटि ईन्टरनेशनल स्कूलका सन्दिप विक, दोश्रो हुने जिएस निकेतनका सारा केसी र तेश्रो हुने हेटौंडा एकेडेमीका विशाल कुशवाहलाई प्रमाण पत्र र मेडल प्रदान गरिएको थियो । प्रतियोगिताको निर्णायकमा विश्वराज सिग्देल, हरिनारायण ठाकुर र निरज राना रहेका थिए । 
कार्यक्रममा विद्यालय स्तरीय रङ चिन्ने प्रतियोगितामा प्रथम दिपसन दाहाल, दोश्रो एलन हुमागाई र तेश्रो रिदिमा पौडेल, बेलुन फुटाउने प्रतियोगितामा प्रथम  निशान्त अर्याल, दोश्रो  युनिस अधिकारी र तेश्रोे संभव दाहाल र म्युजिकल चियरमा विजयी हुने पूजा खडकालाई पुरस्कृत गरिएको थियो । हेटौंडा उपमहानगरपालिकाकी उपमेयर मीना लामाको प्रमुख आतिथ्यता एवम विद्यालय व्यवस्थापन समितिका अध्यक्ष बासुदेव सापकोटाको अध्यक्षतामा कार्यक्रम भएको थियो । 
कार्यक्रममा हेटौडा–६ का वडा अध्यक्ष अर्जुनप्रसाद चौलागाई, प्याव्सन केन्द्रिय सदस्य मदनकुमार दाहाल, जिल्ला सदस्य रामबाबु सापकोटा, विद्यालयका प्रवन्ध निर्देशक भरत सापकोटा, संस्थापक अध्यक्ष शिवदयाल यादव, प्रिन्सिपल पवन राई, जनकल्याण सहकारीका अध्यक्ष हिमाल पौडेल, टोल विकास संस्था वडा समन्वय समिति हेटौडा–६ का अध्यक्ष केशव धिताल, संचारकर्मी भीमसेन पौडेल लगायतले मन्तव्य व्यक्त गरेका थिए । सो अवसरमा विद्यार्थाीहरुले विविध साँस्कृतिक कार्यक्रम प्रस्तुत गरेका थिए ।