संकिर्ण सोचको अन्त्य नभई प्रजातन्त्र बलियो हुँदैन : थापा

७ फागुन, हेटौंडा । राष्ट्रिय प्रजातन्त्र पार्टीका अध्यक्ष कमल थापाले नेपालमा अब आर्थिक–सामाजिक रुपान्तरणको कदम चाल्नुपर्ने बताका छन् ।

प्रजातन्त्र दिवसको अवसरमा राप्रपा मकवानपुरले बुधबार हेटौंडामा गरेको प्रवचन कार्यक्रममा बोल्दै अध्यक्ष थापाले देशमा धेरै राजनैतिक क्रान्ति भएपनि आर्थिक–सामाजिक रुपान्तरण हुन सक्दा उपलव्धी संस्थागत हुन नसकेको बताए । उनले २०६२/६३ पछि राजनैतिक परिवर्तन भएपनि जनताको जीवनस्तरमा सकारात्मक परिवर्तनको अभाव रहेको बताउँदै राज्य संचालन गर्ने नेतृत्वले त्यसतर्फ ध्यान दिनुपर्ने सुझाव दिए ।

उनले संविधानलाई सर्वस्विकार्य बनाउन पनि काम गनुपर्ने बताए । उनले राष्ट्रपति, प्रधानमन्त्री र विभिन्न दलका नेताहरुले प्रजातन्त्र दिवसमा दिएको शुभकामनामा राजा त्रिभुवनको नाम उल्लेख नगर्नुलाई संकिर्ण सोचको उपज भएको आरोप लगाए । संकिर्ण सोचको अन्त्य नभई प्रजातन्त्र बलियो नहुने उनको भनाई थियो । 

जिल्ला अध्यक्ष मधु अधिकारीको सभाध्यक्षतामा कार्यक्रममा राप्रपाका सहायक महामन्त्री राजाराम वर्तौला, केन्द्रीय सदस्य रामहरी न्यौपाने, बरिष्ठ नेता सिताराम वर्तौला, नगर अध्यक्ष गुरुप्रसाद सापकोटा, रापपा आवद्ध महिला संगठनकी जिल्ला अध्यक्ष बालकुमारी डल्लाकोटी लगायतले प्रजातन्त्रको आवरणमा देशमा लुटतन्त्र रहेको बताए ।