सुशासन कायम गर्न मानव अधिकार चाहिन्छः सभामुख श्रेष्ठ  

१० फागुन,हेटौँडा । बागमती प्रदेशका सभामुख सानुकुमार श्रेष्ठले सुशासन कायम गर्न मानव अधिकार चाहिने भएका छन । शनिबार एम्नेस्टी इन्टरनेशनल नेपाल समुह ६७ हेटौंडाको २० औं वार्षिक साधारण सभा तथा सम्मान कार्यक्रमलाई सम्बोधन गर्दै श्रेष्ठले देशमा मानव अधिकारको रक्षा नभएकोले सुशासन कायम गर्न सरकार असफल भएको भन्दै सुशासन कायम गर्न मानव अधिकारको चाहिने भन्ने कुरा बताएका छन । 
    
प्रमुख अतिथी श्रेष्ठले संविधानले मानव अधिकारलाई ग्यारेन्टी गरेको भएतापनि अधिकारलाई व्यवस्थित, मर्या्दित र सहज ढङ्गले सदुपयोग गर्न नजान्दा मानव अधिकारको रक्षा गर्न नसकिएको बताएका छन।कार्यक्रममा मानव अधिकारकर्मी स्व. इन्द्रबहादुर श्रेष्ठ स्मृति मानव अधिकार सम्मान २०७६ बाट कुशल कुटनितिज्ञ तथा प्रराष्ट्रविद तथा पूर्व सांसद हिरण्यलाल श्रेष्ठलाई नगद दश हजार सहित सम्मान गरिएको थियो ।कार्यक्रम समूह ६७ हेटौंडाका संयोजक विजयकुमार वैद्यको सभाध्यक्षतामा भएको कार्यक्रममा एम्नेस्टी नेपालका केन्द्रीय प्रतिनिधि महेश कुमार पौडेल, सल्लाहकार जीवन काजी मकाजु, विजेन्द्र अग्रवाल, समूह ३३ नारायणगढका संयोजक नविन रिजाल लगायतको उपस्थिती रहेको थियो ।