रसुवा टिमुरे सुनकाण्डःइन्स्पेक्टर सहित १६ प्रहरी निलम्बनका लागि सिफारिस

१५फागुन,हेटौँडा ।अख्तियार दुरूपयोग अनुसन्धान आयोगले नेपाल प्रहरीका एक इन्स्पेक्टर सहित १६ प्रहरी निलम्बनका लागि सिफारिस गरेको छ।

अख्तियारले सिमा प्रहरी चौकी टिमुरे रसुवाका प्रहरी निरीक्षक खेमप्रसाद नेपाल सहित १६ जना प्रहरीले बरामद सुन बाँडेर लिएको भन्दै निलम्बन गर्न प्रहरी प्रधानकार्यालयलाई सिफारिस गरेको हो ।पुस ११ गते केरुङबाट नेपाल आउँदै गरेको ना६ख ४९३२ नम्बरको कन्टेनर चेकजाँच गर्ने क्रममा कन्टेनरबाट बारामद ४सय २२ ग्राम सुनलाई नियन्त्रणमा लिएर प्रहरी चौकी टिमुरेले उक्त कन्टेनर चालक फुर्वा पासाङको छोडिएको र बरामद सुन ति सबै प्रहरीले बाडेर लिएको र  बरामद सुन आवश्यक कानूनी प्रकृयाको लागि सम्बन्धित निकायमा बुझाउनु पर्नेमा ,सोको प्रमाण नष्ट हुन सक्ने सम्भावना देखेपछि अख्तियारले उनीहरूलाई निलम्बन गर्नका लागि प्रहरी प्रधानकार्यालयलाई सिफारिस गरेको हो ।

निलम्बनका लागि सिफारिस गरिएकोमा इन्स्पेक्टर खेम प्रसाद नेपाल, प्रहरी नायव निरीक्षक भोज बहादुर सेन वली, सहायक निरीक्षक रामशरण कुमाल, प्रहरी हवल्दारहरू रामशरण रिमाल, पुरुषोत्तम खत्री, रामकाजी लामा, गोपीबहादुर लो तामाङ, त्यसैगरी प्रहरी जवानहरु भविलाल रुम्बा लामा, रामचन्द्र विक, रिता चौधरी, मनोज आले, शिव नारायण चौधरी, युवराज खरेल र छेक्यु डोल्मा मोक्तान ,तारा बहादुर प्रजा र सहायक हरी बहादुर श्रेष्ठ रहेका छन ।