कर्मचारी अभावले प्रदेश सरकारले काम गर्न सकेनः मुख्यमन्त्री पौडेल

१५ फागुन,हेटौँडा । बागमती प्रदेशका मुख्यमन्त्री डोरमणि पौडेलले कर्मचारी अभावले बागमती प्रदेश सरकारले सोचेजति काम गर्न नसकेको बताएका छन । बागमती प्रदेश हेटौँडाले आयोजना गरेको अन्तर प्रदेश लोकसेवा आयोगको प्रथम कार्यशाला गोष्ठीको उद्घाटन सभालाई सम्बोधन गर्दै मुख्यमन्त्री पौडेलले प्रदेश सरकार बनेको दुई बर्ष बितिसक्दा पनि कर्मचारी अभावले बागमती प्रदेश सरकारले सोचेजति काम गर्न नसकेको बताएका हुन। उनले प्रदेश सरकारसंग जनशक्ति अभावका भएको स्वुकार गर्दै काम गर्न नसकेको बताएका हुन।
बागमती प्रदेश लोकसेवा आयोग स्थापन भईसक्यो,लोकसेवा आयोगले  छिट्टै  कर्मचारी भर्ना सुरु गरीने र कर्मचारी भर्नापछि कर्मचारी अभावको समस्या समाधान हुने मुख्यमन्त्री पौडेलले बताए ।
बागमती प्रदेश लोकसेवा आयोगका अध्यक्ष सुरेश मान श्रेष्ठको अध्यक्षतामा भएको कार्यक्रममा बागमती प्रदेशका सभामुख सानुकुमार श्रेष्ठ, काठमाण्डौ महानगरपालिकाका मेयर विद्यासुन्दर शाक्य, बागमती प्रदेशका प्रमुख सचिव तोयम राय, प्रदेशसभाका सचिव शामशरण घिमीरे, विभीन्न प्रदेश लोकसेवा आयोगका अध्यक्ष तथा सदस्यहरु, बागमती प्रदेश सरकारका सचिवहरु, सुरक्षा निकायका प्रमुखहरु लगायतकाको उपस्थिती रहेको थियो ।