बारा प्रहरीले सार्वजनिक गर्यो विप्लव बारा इञ्चार्ज नयनलाई

२६ फागुन, हेटौंडा । नेत्र विक्रम चन्द (विप्लव) नेतृत्वको नेपाल कम्युनिष्ट पार्टीका बारा जिल्ला इञ्चार्ज हेटौंडा–१६ का ईन्द्रबहादुर परियार ‘नयन’ लाई प्रहरीले सार्वजनिक गरेको छ ।

आइतबार दिउँसो जितपुरसिमरा उपमहानगरपालिका वडा नम्बर ७ जीतपुरबाट पक्राउ गरिएका उनलाई बारा प्रहरीले सोमबार सार्वजनिक गरेको हो । बाराका विभिन्न क्षेत्रका एनसेल टावरमा आगजनीसहितका घटनामा संलग्नताको अभियोगमा पक्राउ गरेको उनको भनाई छ । नारायणी ब्यूरो सदस्य समेत रहेका उनीमाथि थप अनुसन्धान भईरहेको बाराका प्रहरी नायव उपरीक्षक गौतम मिश्रले बताए । 
उनीमाथि यस्तो छ प्रहरी आरोप
मिति २०७६।०९।१५ गते रात्री अ.२३:३० बजेको समयमा जिल्ला बारा जितपुर सिमरा उ.म.न.पा वडा न.१६ स्थित रहेको Ncell को टावरमा ने.क.पा बिप्लपको समुहका समुहगतरुपमा आएका कार्यकर्ताहरुले आगो लगाई टावरमा रहेको फिडर केवल तार जेनेरेटर,एल.टी,प्यानल पुर्णरुपमा जलि क्षेति भएको र जिल्ला बारा जितपुर सिमरा उ.म.न.पा.वडा नं.११ स्थित फत्तेपुरमा Ncell को टावरमा समेत आगो लगाई जलाउने प्रयास गरेको घटनामा संलग्न जिल्ला मकवानपुर हेटौडा उ.म.न.पा वडा न.१६ बस्ने मान बहादुर नकडोलीको छोरा बर्ष ४१ ने.क.पा को बारा जिल्ला ईन्चार्ज तथा नारायणी ब्युरो सदस्य ईन्द्र बहादुर नकडोली लाई मिति २०७६/११/२५ गते जिल्ला बारा जितपुर सिमरा उ.म.न.पा वडा न.७ स्थित जितपुर बजारमा बा २७ प १९९१ न.१५० सिसिको कालो रङको पल्सर मोटरसाईकल , बिभिन्न कम्पनिको मोबाईल थान ६ थान र ऐ. मोबाईलहरुमा लाग्ने NTC को सिमकार्ड थान -६,  अखिल नेपाल महिला संघ क्रान्तिकारी केन्द्रिय समितिको अपिल लेखेको पर्चा पप्पलेट ५०० प्रति, २५ औ जनयुद्ध दिवस मनाउ भन्ने व्यहोराको केन्द्रिय कार्य समितिको पर्चा पम्पलेट ३०० प्रति, पार्टी सम्बन्धि किताब थान -२ र केन्द्रिय कार्य समितिको सदस्यता वितरण फम २ प्रति सहित पक्राउ गरि अपराधिक उपद्रव मुद्दामा सम्मानित बारा जिल्ला अदालतबाट दिन अनुसन्धान कार्य  भईरहेको ।

यो पनि पढ्नुस
विप्लव नेता ‘नयन’ बारामा पक्राउ