नेविसंघ मकवानपुरले बाड्यो मास्क  

२ चैत, हेटौंडा । नेपाल विद्यार्थी संघ मकवानपुरले कोरोना भाइरस सम्बन्धी सचेतना कार्यक्रम गर्नुका साथै मास्क वितरण गरेको छ। 
नेविसंघ मकवानपुरले हेटौंडा–१० बुद्ध चोकमा सचेतना कार्यक्रम गर्नुका साथै मास्क वितरण गरेको हो । नेविसंघ मकवानपुरका अध्यक्ष खतिवडाको सभाध्यक्षतामा भएको कार्यक्रममा नेपाली कांग्रेसका केन्द्रीय सदस्य महालक्ष्मि उपाध्याय डिना उपाध्यायको प्रमु्ख आतिथ्यता रहेको थियो । 
कार्यक्रममा नेपाली कांग्रेस बागमती प्रदेश संसदीय दलका नेता इन्द्रबहादुर बानियाँ, कांग्रेस मकवानपुरका निवर्तमान सभापति रघुरमण न्यौपाने, सल्लाहकार रामचन्द्र अर्याल माइकल, जिल्ला सचिव बुद्ध लामा, कोषाध्यक्ष गोपिलाल विश्वकर्मा, जिल्ला सदस्य राजिव सुवेदी, भिमसेन महत, नेपाल तरुण दल मकवानपुरका सचिव सचित थापा लगायतको उपस्थिति रहेको थियो । 
कार्यक्रममा नेविसंघले तयार पारेको कोरोना भाइरस सर्ने माध्यम, लक्षण र बाच्ने उपाय समेटिएको गोजीपात्रो र नेपाल ट्रेड युनियन मकवानपुरकी उपाध्यक्ष शर्मिला श्रेष्ठको सहयोगमा तयार पारिएको ३ सय थान मास्क वितरण गरिएको नेवि संघ मकवानपुरका खतिवडाले बताए । कार्यक्रममा नेविसंघ मकवानपुरले वडा प्रहरी कार्यालय हेटौंडाका प्रहरी निरीक्षक ईश्वरी प्रसाद भण्डारीलाई ५० थान मास्क सहयोग गरेको छ ।