हेटौंडा ५ शान्तिनगरलाई टोलबासीले गरे लकडाउन

१ बैशाख, हेटौंडा। कोरोना भाइरसको जोखिमलाई मध्यनजर गर्दै सरकारले देशमा लकडाउनको आवहान गरेको छ।

लकडाउनको अर्थ अनावश्यक काम बाहेक हिडडुल नगर्नु हो। लकडाउनको प्रभाव देशभर परेको छ। लकडाउनको प्रभाव देशभर परिरहदा हेटौंडाका सर्वसाधारणले लकडाउनको प्रवाहनै नगरी अनावश्यक काममा हिडडुल गरिरहेका छन्। 

जिल्लामा लकडाउनको उल्लङ्घन भएको भन्दै भन्ने संचारमाध्यममा समाचार आइरहदा हेटौंडा ५ शान्तिनगरमा टोलबासि भने टोललाई लकडाउन गर्न लागिपरेका छन्।कान्ति लोकपथ अन्तर्गत माछा प्लान,हेटौंडा ५ लक्ष्मी स्कुल,हेटौंडा ८ कमाने जाने बाटो र पिप्ले पट्टीबाट टोललाई लकडाउन गरिएको शान्तिनगर टोल विकास संस्थाका अध्यक्ष देव बाहदुर बुढाथोकीले बताए।

उनले टोलमा अनावश्यक मानिसहरू आवतजावत बढेको भन्दै मानिसको भिडभाड नियन्त्रणमाका लागि वडा प्रहरी कार्यालय हेटौडा र वडा कार्यालयको समन्वयमा टोललाई  चार कुनाबाट लकडाउन गरिएको  बताए। एकान्त स्थान, माछा पोखरी भएकोले शान्तिनगर आसपासमा मानिसको भिडभाड बढेकोले वडा कार्यालयमा मिटिङ बसेर लकडाउनलाई कडाइ गर्नका निम्ति टोलबासीनै सक्रिय बनेको उनले बताए।यता प्रहरीले  हेटौंडा बजारबाट दैनिक जसो लकडाउन उल्लङ्घन गर्ने सवारी र मानिसलाई नियन्त्रणमा लिदै आएको छ।