‘६० प्रतिशत मृत्यु नसर्ने रोगबाट’

सुनिल शिवाकोटी
३१ जेठ, हेटौँडा । नेपालमा  ६० प्रतिशत मानिसको मृत्यु नसर्ने रोग र ४० प्रतिशत मानिसको मृत्य सर्ने रोगका कारण हुने गरेको तथ्य सार्वजनीक भएको छ ।  जिल्ला जनस्वास्थ्य कार्यालय मकवानपुरले बुधबार आयोजना गरेको पत्रकारसंगको अन्तरक्रियामा मकवानपुरका स्वास्थ्यकर्मीहरुले यस्तो तथ्यांक सार्वजनिक भएको हो ।
प्र्राथमिक स्वास्थ्य केन्द्र बकैयाका डाक्टर परमार्थ बस्नेतले कार्यपत्र प्रस्तुत गर्दै देशका ६० प्रतिशत मानिसको मृत्यु नसर्ने रोगबाट हुने गरेको बताए । उनले रोग बुढेसकालमा मात्र नभई बाल्यकालदेखि नै लाग्ने गरेको बताउँदै बढी मानिसमा नसर्ने रोगले गर्दा मृत्यु हुने बताए । त्यस्ता रोगको लक्षण समेत मानिस आफैले थाहा पाउन सक्ने भन्दै खानपान, व्यायाममा ध्यान दिन र सचेत रहन सबैमा उमेरका मानिसलाई डाक्टर बस्नेतले अनुरोध गरे ।
जिल्ला जनस्वास्थ्य कार्यालय मकवानपुरका प्रमुख रामचन्द्र पाठकले मकवानपुरमा साउन देखि सबै स्वास्थ्य संस्थामा पेन प्याकेजको अवधारणा शुरु बताउँदै यी रोगको उपचार स्थानीय स्तरमै सहज रुपमा पाउन सकिने भन्दै बताए । कार्यक्रममा जिल्ला जनस्वास्थ्य कार्यालय मकवानपुरका भिमसागर गुरागाई, नेपाल पत्रकार महासंघका पूर्व केन्द्रीय सदस्य प्रताप बिष्ट लगायतले मन्तब्य ब्यक्त गरेका थिए । 
कार्यक्रममा नेपाल पत्रकार महासंघका अध्यक्ष हरी हुमागाई, कोषाध्यक्ष सुदिप शिवाकोटी लगायत अन्य संचारकर्मीहरुको सहभागिता रहेको थियो ।