१८ साउन, हेटौँडा । मकवानपुरे सांसदलाई मन्त्री बनाउन अहिले जिल्ला तहबाट दवाव तिब्र पारिएको छ । चर्चामा रहेकामध्ये दुईलाई मन्त्री बनाउन जिल्ला तहबाट पार्टीको केन्द्रिय तहमा दवाव तिब्र पारिएको हो ।
मकवानपुर क्षेत्र नम्बर १ का सांसद एवं काँग्रेस जिल्ला सभापति ईन्द्रबहादुर बानियाँ र सांसद रामनारायण विडारीलाई मन्त्री बनाउन जिल्ला तहका नेताहरुले केन्द्रमा लविङ गरिरहेका छन् । मकवानपुरे काँग्रेस टोलीले महालक्ष्मी डिना उपाध्यायलाई केन्द्रिय सदस्य र बानियाँलाई मन्त्री बनाउनुपर्ने माग सभापति शेरबहादुर देउवालाई राखेका थिए । मन्त्री बन्ने चर्चामा रहेकी सांसद उपाध्यायलाई सभापति शेरबहादुर देउवाले दुई दिन अघि केन्द्रिय सदस्य मनोनित गरेर व्यवस्थापन गरेको काँग्रेस स्रोतको दावि छ । ‘डिनाजिलाई अहिले केन्द्रिय सदस्यको जिम्मेवारी दिईएको छ ।’–एक नेताले भने । समानुपातिकतर्फको सांसद र केन्द्रिय सदस्य दुबै अवसर डिनालाई पार्टीले दिएकाले मन्त्री हुने संभावना कम रहेको उनको भनाई छ ।
काँग्रेसको तर्फबाट बानियाँलाई मन्त्री बनाउन काँग्रेस जिल्ला सचिव बुद्ध लामा, कोषाध्यक्ष गोपिलाल विक, ४ जना क्षेत्रीय सभापति, निवर्तमान सभापति रघुरमण न्यौपाने, पूर्व सभापति माइकल रामचन्द्र अर्याल, संविधानसभा क्षेत्र नम्बर २ का उम्मेदवार एवं जिल्ला सदस्य जयराम लामिछानेसहितको टोलीले दुबै पक्षिय नेताहरुलाई भेटघाट गरेका छन् । उनीहरुले सभापति शेरबहादुर देउवा र बरिष्ठ नेता रामचन्द्र पौडेललाई मकवानपुरे काँग्रेसको सान बढाएको र लाल किल्लाको रुपमा चिनिने मकवानपुरमा खाता खोलेको भन्दै बानियाँलाई मन्त्री बनाउन आग्रह गरेका थिए । ‘बानियाँलाई मन्त्री बनाउन दुबै नेता सकारात्मक छन्, कुन मन्त्री भन्ने टुंगो लागेको छैन ।’–टोलीमा सहभागी एक नेताले भने । बानियाँलाई मन्त्री बनाउनुपर्छ भन्नेमा जिल्ला तह मात्रै नभई यसअघि मन्त्री भईसकेका केन्द्रिय नेताहरु समेत लागि परेकाले उहाँको सम्भावना राम्रो रहेको बानियाँ निकट मानिने क्षेत्रीय सभापति दामोदर खनालले बताए ।
यता, माओवादी केन्द्रका सल्लाहकार समेत रहेका सांसद रामनारायण विडारीको पक्षमा पनि जिल्ला तहबाट लविङ भईरहेको छ । उनी संविधानको विषयमा जानकार भएकाले पनि उनलाई मन्त्री बनाउनुपर्ने जिल्ला तहका नेताहरुको दावि छ । जिल्ला तहका केही नेता उनलाई मन्त्री बनाउन काठमाण्डौं पुगेर लविङ गरिरहेका छन् भने केही जिल्लाबाटै माहोल तयार गरिरहेको एक नेताले बताए । ‘विडारी संविधानको विषयमा जानकार पनि छन् र संविधान निर्माणका क्रममा मस्यौदा समितिमा रहेर संविधान जारी गर्न महत्वपूर्ण जिम्मेवारी पुरा गरेकाले पनि हामीले उहाँलाई मन्त्री बनाउन पार्टीलाई भनेका हौं ।’–उनले भने । प्रखर वक्ता समेत रहेका उनी प्रचण्डका विश्वासपात्र मध्येका एक हुन् । केन्द्रमा राम्रो प्रभाव रहेकाले पनि उनी मन्त्री हुने प्रायः निश्चित रहेको माओवादी स्रोतको दावि छ ।
माओवादी केन्द्रका जिल्ला संयोजक प्रेमबहादुर पुलामी छिन्तुले विडारीको पक्षमा आफुहरुले लविङ गरिरहेको बताए । ‘संविधानका जानकार भएको नाताले उहाँलाई कानूनमन्त्री बनाउन हामीले भनेका हौं ।’–पुलामीले भने । तर माओवादी केन्द्रको भागमा कुन मन्त्रालय पर्ने भन्ने निश्चित नभएकाले यसबारेमा टुंगो नलागेको उनले बताए ।
दुबै नेताको पक्षमा लविङ तिब्र भएपनि दुबै दलमा मन्त्रीहरुको आकांक्षी बढि रहेकाले निरन्तर दवावको खाँचो रहेको लविङमा जुटेका नेताहरुको भनाई छ ।
५ जेठ, हेटौंडा। शनिबार बिहान कान्तिलोकपथमा अन्तर्गत मकवानपुरको बकैया-१२ मा भएको कार दुर्घटनामा घाईते भएका...
५ जेठ, ललितपुर । ललितपुर महानगरपालिका–१२ खोकनामा भएको चोरीमा संलग्न ६ जनालाई प्रहरीले पक्राउ गरेको छ । पक्राउ...
५ जेठ, हेटौंडा। कान्तिलोकपथमा अन्तर्गत मकवानपुरको बकैया-१२मा भएको कार दुर्घटनामा घाईतेहरुको पहिचान खुलेको...
५ जेठ, हेटौंडा। मकवानपुरको हेटौँडा उपमहानगरपालिका वडा नम्बर १को विकट मानिएको घ्याङ्सिङटार जोड्ने...
५ जेठ, हेटौंडा । गृह मन्त्रालयले नेपाल प्रहरीका ४ जना प्रहरी वरिष्ठ उपरीक्षक (एसएसपी) लाई प्रहरी नायब महानिरीक्षक...
५ जेठ, हेटौंडा । हाल नेपालमा स्थानीय वायु र पश्चिमी वायुको आंशिक प्रभाव रहेको छ। कोशी प्रदेश, मधेश प्रदेश र...
५ जेठ, हेटौंडा। मकवानपुरको बकैयामा कार भिरबाट खसेको छ।शनिबार बिहान कान्तिलोकपथमा अन्तर्गत बकैया १२ चौतारा...
५ जेठ, काठमाण्डौं। नेपाल प्रहरीका चार जना प्रहरी वरिष्ठ उपरीक्षक (एसएसपी) डिआइजी बढुवाका लागि सिफारिस भएका...
४ जेठ, हेटौडा । हेटौडा–६ चौघडामा रहेको रानी सामुदायिक वन उपभोक्ता समूहले पिस पार्कमा निर्माण गरेको सालकको...
२ जेठ, हेटौंडा । हेटौंडा-धरान चतरा सडक अन्तरगत बागमती गाउँपालिकामा बुधबार साँझ भएको सवारी दुर्घटनामा एकजनाको...
४ जेठ, काठमाडौं । मकवानपुरको मनहरी–६ स्थित चितवन राष्ट्रिय निकुञ्जमा हात्तिको आक्रमणबाट एकजनाको मृत्यु भएको छ...
२८ बैशाख, हेटौंडा । अश्लिल भिडियो सामाजिक सञ्जालमा हालेर श्रीमतीको चरित्रहत्या गरेको आरोपमा मकवानपुरका एक युवक...
२२ बैशाख, हेटौंडा। मकवानपुरको थाहानगरमा लोडर पल्टिदा च्यापिएर हेल्परको ज्यान गएको छ। शनिबार दिउँसो थाहा ९...
२३ बैशाख, हेटौंडा। हेटौंडा उपमहानगरपालिकाको नियमित कामकाज आइतबार (आज) एक दिन बन्द रहने भएको...
३ जेठ, हेटौंडा । मनहरी गाउँपालिकाको ३ वटा वडाका सीमान्तकृत र अतिविपन्न चेपाङ समुदायका एकल महिलाको लागि टुकी...
२९ बैशाख, हेटौंडा। मकवानपुरको हेटौंडामा भतिजाले आफ्नै काकीलाई कैची प्रहार गर्दा काकी गम्भीर घाइते भएकी...
१ जेठ, हेटौंडा । नेपाली कांग्रेस मनहरी गाउँपालिकाको २ वटा वडामा मंगलबार अगुवा कार्यकर्ता भेला तथा छलफल गरेको छ...
२६ बैशाख, ताप्लेजुङ । ताप्लेजुङको पाथिभरा याङ्वरक गाउँपालिका–४ डुम्रिसेमा ट्याक्टर दुर्घटना हुँदा एक...