ग्लोबल टिचर अवार्ड २०२० को लागि नेपालबाट हेटौँडाका विवश थापा छनोट

१४ कार्तिक, हेटौंडा । ग्लोबल टिचर अवार्ड २०२० को लागि नेपालबाट हेटौँडाका एक शिक्षक छनोट   भएका छन् । अवार्डका लागि  हेटौँडा उपमहानगरपालिकाका  शिक्षक विवश थापा नेपालबाट टिचर अवार्ड २०२० का लागि छनौट भएका हुन ।

राष्ट्रिय तथा अन्तर्राष्ट्रिय स्तरमा शिक्षण सिकाइमा प्रविधिको प्रयोगसम्बन्धी प्रशिक्षण गर्दै आइरहेका थापा अवार्डका लागि छनौट भएका हुन् । थापा मकवानपुरमा रही शैक्षिक तालिम केन्द्र धुलिखेल, नेपाल इंग्लिश ल्याङ्वेज टिचर्स एशोसिएसन र विभिन्न संघ संस्थामार्फत लामो समयदेखि राष्ट्रियस्तरमा प्रशिक्षण दिईरहेका छन् । विश्वका ११० देशहरूबाट सबैभन्दा उत्कृष्ट शिक्षकहरूको  सहभागी र तिनका विद्यार्थीहरूको व्यवसायिक उपलब्धिह, सक्रिय सामाजिक स्थिति, नवीन शिक्षण विधिहरूको प्रयोग, आधुनिक प्रविधि, शैक्षिक अनुभवको सामान्यीकरण, विश्व समुदायका नागरिकहरूको शिक्षामा योगदान, र समस्या समाधान गर्नमा केन्द्रित, सिकाइमा नवप्रवर्तन कार्य गरेबापत मेरिट लिष्टका आधारमा प्रशिक्षक थापा छनोट भएका हुन् ।                            बन्दाबन्दीको कारण भर्चुअल सम्मलेनमार्फत छनोट भएका शिक्षकहरूलाई अवार्ड र सम्मानपत्र प्रदान गरिने र कुरियर मार्फत अवार्ड र सम्मानपत्र प्रदान कार्यक्रम रहेको छ ।

अहिलेको २१ औं शताब्दीमा शिक्षकहरूलाई  शिक्षण सिकाइमा प्रयोग हुने  विविध वेब टुल्स र सिकाइ व्यवस्थापन प्रणाली सम्बन्धी तालिम र विद्यार्थीहरुलाई पनि उनीहरूको रुचि, इच्छा अनुसार प्रयोग हुने विविध टुल्स र कोर्षको बारेमा राष्ट्रिय र अन्तर्राष्ट्रिय स्तरमा  प्रशिक्षण दिएको कारण र दर्जन भन्दा बढी वेव टुल्सको एम्ब्यासडर रहेकै कारण आफू ग्लोबल टिचर अवार्डमा छनोट भएको थापाले  बताए ।

थापा केही बर्ष देखि  मकवानपुरका सामुदायिक विद्यालय तथा क्याम्पसमा अंग्रेजी बिषय अध्यापन गराउदै आएका छन्।