अातंकवादी अाक्रमणमा ६ तिर्थालुको मृत्यु

२६ असार, हेटौंडा । भारतको अनंतनागमा भएको अातंकवादी अाक्रमणमा ६ तिर्थालुको मृत्यु भएको छ ।

राति ८:३० बजे जम्मु-श्रीनगर राष्ट्रिय राजमार्गमा तिर्थालु बोकेको बसमाथि भएको अाक्रमणमा १४ जना घाइते भएका छन् । भारतको प्रसिद्ध तिर्थस्थल अमरनाथ जाँदै गरेको बसमाथि मोटरसाइकलमा अाएका अातंकबादी अन्धाधुन्ध गोली प्रहार गर्दा ६ जनाको घटनास्थलमै मृत्यु भएको भारतीय संचारमाध्यमले जनाएको छ । मृत्यु हुने यात्री गुजरातको रहेको प्रारम्भिक खबर छ ।

अाजतकका अनुसार कडा सुरक्षा व्यवस्था गरिएको राजमार्गमा प्रहरीको स्कर्टिङ विना गुडिरहेको बसमा अातंकबादी अाक्रमण भएको हो । घटना पछि त्यस क्षेत्रको सवारी अावागमन केही समयका लागि रोकिएको छ । अाक्रमणकारी खोजिका लागि सुरक्षाकर्मी परिचालन गरिएको छ ।

घटनाप्रति भारतीय प्रधानमन्त्री नरेन्द्र मोदि, कांग्रेस अाईकी अध्यक्ष सोनिया गान्धी, जम्मु काश्मिरकी मूख्यमन्त्री महेबुबा मुफ्ति, पूर्व मूख्यमन्त्री उमर अब्दुल्लाह लगायतले घटनाको विरोध गर्दै पीडित परिवारमा सहानुभुति जनाएका छन् । ४५ दिने अमरनाथ तिर्थाटनका लागि १ लाख २ हजार तिर्थालुले दर्ता गराएको र तिर्थालुको सुरक्षाका लागि केन्द्र सरकारबाट अतिरिक्त ४० हजार अर्धसैनिक बल तैनाथ गरिएको छ ।

साँझ ७ बजेपछि सवारी गुड्न प्रतिवन्ध लगाएको अवस्थामा सुरक्षा संयन्त्रसंग समन्वय नगरी यात्रा गरेका कारण घटना भएको सुरक्षा निकायलाई उद्धृत गर्दै भारतीय संचारमाध्यम एडिटिभीले जनाएको छ ।
तस्वीर : द ईण्डियन एक्सप्रेस