बुङदल सामुदायिक वनमा गोष्ठी सम्पन्न

१७ चैत्र, हेटौडा । मकवानपुरगढी–५ मा रहेको बुङदल सामुदायिक वन उपभोक्ता समूहको आयोजनामा सञ्चालित २ दिने जलवायु परिवर्तन न्यूनिकरण र अनुकुलन अध्यास कार्यशाला गोष्ठी भएको छ ।
गोष्ठीमा जलवायु परिवर्तनले पारेको प्रभाव र यसलाई कसरी न्यूनिकरण गर्न सकिन्छ भन्ने बारेमा छलफल गरिएको थियो । गोष्ठीमा लिलु कुमारी मगर र पुष्पम घिमिरेले सहजीकरण गरेका थिए । गोष्ठीमा ५० जनाको सहभागिता रहेको गोष्ठीमा सहभागी संगिता घिमिरेले जानकारी दिनु भयो ।
गोष्ठीमा महिलाहरुको आर्थिक उपार्जनको लागि राधिका छतकुलीको संयोजकत्वमा ९ सदस्यीय उपसमिति गठन गरिएको छ । समितिको सचिवमा सन्तुमाया वाईवा, सदस्यहरुमा असिम घलान, रिना श्रेष्ठ, लक्ष्मी लामिछाने, प्रेमकुमारी दोङ, शान्ति स्याङतान, देवकी राना मगर र शान्ता चौलागाई रहेका छन ।
समुहका अध्यक्ष चन्द्रप्रसाद दुलालको अध्यक्षतामा भएको गोष्ठीमा सामुदायिक वन उपभोक्ता महासंघ, मकवानपुरका कोषाध्यक्ष बलराम अधिकारी, समूहकी सचिव सम्झना दाहाल, रानी सामुदायिक वनका कार्यालय सचिव भीमसेन पौडेल, सञ्चारकर्मी श्रीराम अर्जुन लगायतको सहभागीता थियो । ७८ हेक्टर क्षेत्रफलमा फैलिएको यो सामुदायिक वनमा १ सय १० घरधुरी आवद्ध रहेका छन् ।