आजबाट नयाँ बर्ष २०७८ सुरु

१ बैशाख, हेटौंडा । आजबाट विक्रम संवत् २०७८ सालको नयाँ वर्ष सुरु भएको छ । आज वैशाख १ गते नयाँ वर्षको पहिलो दिन नेपालभर एकापसमा शुभकामना आदानप्रदान गरी मनाइँदैछ ।
विक्रम संवत हिन्दू पञ्चाङ्गमा आधारित पात्रो हो, जुन प्राचीन हिन्दू परम्परा, वैदिक समय र सूर्यसँग सम्बन्धित रहेको मानिन्छ । यो पात्रो नेपाल, भारत, श्रीलंका र बंगलादेशमा पनि प्रयोगमा रहेको छ । बंगलादेशमा त वैशाख १ लाई नै नयाँ वर्षको रुपमा मनाउने गरिन्छ ।
सूर्य मीन राशीबाट मेष राशीमा प्रवेश गर्ने वैशाख संक्रान्तिका दिन मनाइने नयाँ वर्षमा स्नान, दान, गरे पूण्य प्राप्त हुने धार्मिक विश्वास छ । प्रत्येक व्यक्तिले गतवर्ष गरेका कामको सफलतारअसफलता मूल्यांकन गरी असफलता दोहोरिन नदिने र सफलता प्राप्त गर्न यस दिन योजना निर्माण एवं संकल्प गर्ने गर्दछन् ।
तर यसबर्षको नयाँ बर्षमा पनि अघिल्लो बर्षमा जस्तो रौनकता र खुशि छैन । विश्वव्यापी रुपमा फैलिएको कोरोनाका दोस्रो लहरका कारण नयाँ बर्षमा ग्रहण लागे झै भएको छ । 
कोरोना संक्रमणको जोखिमका कारण सरकारले यस बर्षपनि स्वास्थ्य मापदण्डको पालना गरेर नयाँ बर्ष मनाउँन निर्देशन दिएको छ । विशेष गरी नयाँ बर्षको दिन घुममिर, आफन्त जनसँग भेटघाट, मेला महोत्सब, नयाँ कामको थालनी जस्ता कृयाकलाप हुने भएकाले कोरोना संक्रमणको जोखिम बढ्ने भएकाले सरकारले सकभर त्यस्ता गतिविधि सञ्चान नगर्न नगराउँन आग्रह गरेको छ ।