पत्रकार महासंघ मकवानपुरले सहयोगी दाता तथा निर्वाचन समितिलाई सम्मान

४ चैत,हेटौंडा। पत्रकार महासंघ मकवानपुरले वनभोज कार्यक्रम तथा महासंघको विभिन्न क्षेत्रमा सहयोग गर्ने सहयोगी हातहरूलाई सम्मान गरेको छ। 

मकवानपुरका सञ्चारकर्मीहरुबीच भेटघाटका साथै भातृत्व अनि सदाचार वृद्वि गर्ने उद्देश्यले महासंघले शनिबार हेटौंडाको बनस्खण्डी मन्दिरमा वनभोज कार्यक्रमको आयोजना गरेको हो । महासंघ मकवानपुरका अध्यक्ष मणिराज गौतमको अध्यक्षतामा भएको वनभोज कार्यक्रम सहितको औपचारिक कार्यक्रममा महासंघलाई सहयोग गर्ने सहयोगी हात तथा चैत २५ गते निर्वाचन सम्पन्न गराउन योगदान गर्ने निर्वाचन समितिलाई सम्मान गरेको हो । 

कार्यक्रममा चैत २५ गते भएको महासंघको ११ औं अधिवेशनमा निर्वाचन समिति संयोजक रहेका ध्रुवप्रसाद चौलागाई, सदस्य मधु आचार्य र ऋषि केबीलाई सम्मान गरेको हो भने महासंघलाई सहयोग गर्ने व्यवसायी महेन्द्र राउत, कृष्णकुमार गुप्ता अग्रवाल र  सहयोग मन नेपालका केदारप्रसाद चौलागाईलाई सम्मानपत्रले सम्मान गरिएको हो ।

कार्यक्रममा नेपाल पत्रकार महासंघका केन्द्रीय सदस्य सुनिल खड्का, प्रदेश उपाध्यक्षद्वय रुपेश दुलाल, नानीमैयाँ कार्की सम्झना, प्रदेश महासचिव कृष्ण सारुमगर, महासंघ मकवानपुरका पूर्वअध्यक्षहरु राममणि दाहाल, भानुभक्त आचार्य, नेकपा एमाले मकवानपुरकी अध्यक्ष एवम् बागमती प्रदेशसभा सदस्य मुनु सिग्देल, नेपाली कांग्रेस मकपवानपुरका प्रवक्ता प्रदिप कोइराला, नेकपा माओवादी केन्द्र मकवानपुरका प्रचार विभाग प्रमुख कमानसिं पाख्रिन,राप्रपा मकवानपुरका पुुर्व अध्यक्ष मधु अधिकारी, काँग्रेस हेटौंडा नगर सभापति आनन्दराम पराजुली, नेपाल प्रेस युनियन मकवानपुरका अध्यक्ष कुमार अधिकारी ‘पोष्टराज’, प्रेस संगठन मकवानपुरकी संयोजक अञ्जली थापा, प्रेस चौतारीका प्रदेश सदस्य रिपेश  दाहाल लगायतको आतिथ्यता रहेको थियो ।