हेटौंडामा वन अतिक्रमण नियन्त्रणका लागि छलफल

भीमसेन पौडेल

६ बैशाख, हेटौडा ।वन अतिक्रमण र चोरी निकासीलाई कसरी नियन्त्रण गर्न सकिन्छ भन्ने विषयमा हेटौंडामा छलफल कार्यक्रमको आयोजन गरिएको छ।सोमवार सव डिभिजन वन कार्यालय हेटौडामा सरोकारवालाहरु विच छलफल गरिएको हो ।छलफलमा स्थानीय तह, प्रदेश र संघ, सामुदायिक वन, सुरक्षाकर्मी र अन्य सरोकारवालहरु विच समन्वय र सहकार्य हुनु पर्नेमा सहभागीहरुले जोड दिएका थिए । राज्यले निर्माण गरेका वन नीति उपयुक्त नहुनु, राज्यका संयन्त्र कमजोर हुनु, राजनैतिक दलहरु सक्रिय नहुनु,सामुदायिक वनका पदाधिकारीहरु निष्क्रिय हुनु लगायतका कारण पनि वन अतिक्रमण बढ्नुको प्रमुख कारण भएको सहभागीहरुले बताए ।

डिभिजन वन कार्यालयको चालु आर्थिक वर्ष २०७७।०७८ को स्वीकृत बार्षिक कार्यक्रम अनुसार छलफल  आयोजना गरिएको छलफल कार्यक्रमका सव डिभिजन वन कार्यालय ,हेटौडाकी सहायक वन अधिकृत गायत्री शर्माले कार्यक्रमको उद्धेश्यको बारेमा जानकारी गराएकी थिइन ।

कार्यक्रममा हेटौडा–१ का वडा अध्यक्ष सविन न्यौपाने,९ का वडा अध्यक्ष लक्ष्मण प्रसाद भण्डारी, १० का वडा अध्यक्ष किताव सिह लामा, हेटौंडा १५का वडा अध्यक्ष महारत्न लामा, हेटौडा २ का वडा सदस्य महेश्वरमान श्रेष्ठ, सामुदायिक वन उपभोक्ता महासंघ, बागमती प्रदेशका सचिवलय सदस्य रामहरि चौलागाँई, फेकोफन मकवानपुरका अध्यक्ष साधुराम चौलागाँई, स्थानीय महासंघ, हेटौडाका अध्यक्ष शम्भुप्रसाद न्यौपाने, सुरक्षाकर्मी, संचारकर्मी लगायतको सहभागिता थियो ।