हेटौंडामा वनसम्बन्धी तालिम

२२ भदौं, हेटौँडा । एकिकृत ग्रामीण विकास सेवा,मकवानपुरको आयोजना र सामुदायिक वन उपभोक्ता महासंघ मकवानपुरको समन्वयमा हेटौँडामा तालिम भएको छ । विपद जोखिम न्यूनीकरण तथा जलवायु परिवर्तन अनुकुलन सम्वन्धि नीतिगत व्यस्वस्था, संघियता र वन व्यवस्थापनको सन्दर्भमा स्थानीय निकायको धारणा र स्थानीय निकायहरुमा जोखिम न्यूनीकरण कसरी गर्न सकिन्छ भन्ने विषयमा तालिम भएको हो । 
तालिममा सामुदायिक वन उपभोक्ता महासंघ नेपालका केन्द्रीय सदस्य भोला खतिवडाले सहजीकरण गरेका थिए । 
कार्यक्रममा जिल्ला समन्वय समितिका संयोजक रघुनाथ खुलाल,सहसंयोजक भगवती पुडासैनी, मकवानपुरगढी गाउँपालिकाका अध्यक्ष विदुर हुमागाई, भीमफेदी गाउँपालिकाका अध्यक्ष हिदम लामा, हेटौडा उपमहानगरपालिकाकी उपमेयर मीना लामा, भीमफेदी गाउँ पालिकाकी उपाध्यक्ष पार्वती राना, मकवानपुरगढी गाउँपालिकाकी उपाध्यक्ष हर्कमाया रुम्वाले सामुदायिक वन समूहलाई अधिकार सम्पन्न बनाउन सहयोग गर्ने बताए । 
एकिकृत ग्रामीण विकास सेवाकी अध्यक्ष सीता विष्टको अध्यक्षतामा भएको तालिममा फेकोफनका केन्द्रीय अध्यक्ष गणेश कार्की, महासचिव भारती पाठक, मकवानपुरकी अध्यक्ष पञ्चमाया स्याङतान, मध्यमान्चल क्षेत्रीय वन कार्यालयका सहायक वन अधिकृत नवराज पुडासैनी लगायतले मन्तव्य व्यक्त गरेका थिए ।