अफ्रिकी मुलुक बुर्किना फासोमा सेनाद्वारा सत्ता कब्जा

google

११ माघ, हेटौंडा । अफ्रिकी मुलुक बुर्किना फासोमा सेनाले कू गरेको छ । राष्ट्रपति रोच काबोरेलाई अपदस्थ गरि सेनाले कू गरेको अन्तराष्ट्रिय समाचार संस्थाहरुले जनाएका छन् ।
सेनाका अधिकारीले सरकारी टेलिभिजिनमा मुलुकको सुरक्षा अवस्था खस्कदै गएपछि सत्ता नियन्त्रणमा लिएको दावी गरेको समाचारमा जनाइएको छ ।
बुर्किना फासोमा पछिल्लो समय इस्लामबादी विद्रोहीलाई संरक्षण दिएको आरोप लगाउँदै देशमा अशान्ति सिर्जना गरेको बिद्रोही सेनाको दाबी छ । यद्दपी राष्ट्रपति रोज पक्राउ परे वा सुरक्षित स्थानमा छ भन्ने बारेमा कुनै स्पष्ट पारिएको छैन ।
राष्ट्रपतिले देशको सुरक्षा संकटसँग जुध्न पूरै असफल भएको र राष्ट्रलाई एकताबद्ध गर्न भूमिका निर्वाह नगरेको आरोप लगाउँदै अब राष्ट्रको हितका लागि सेनाले थप कदम चाल्ने दावी समेत गरेको छ ।
सेनाले संविधान निलम्बन गदै संसद भंग गरिएको र उपयुक्त समयमा संवैधानिक व्यवस्थामा फर्किने जनाएको छ । काबोरेलाई सत्ताच्यूत गर्ने षड्यन्त्र गरेको आरोपमा ११ जना सैनिक पक्राउ परेको एक सातापछि सेनाले कू गरेको हो ।
यसअघि, सत्तारुढ पीपुल्स मुभमेन्ट फर प्रोग्रेस पीएमपी पार्टीले काबोरे र मन्त्रीहरु हत्या प्रयासबाट बच्न सफल भएको बताएको थियो ।