सोनाम ल्होछारको अवसरमा शुभकामना कार्यक्रमको आयोजना

१८ माघ, हेटौंडा । तामाङ पत्रकार संघ मकवानपुरले सोनाम ल्होछारको अवसरमा शुभकामना आदान प्रदान तथा चियापान कार्यक्रम गरेको छ ।
तामाङ जातिहरुको महान पर्व २८५८ ताक ल्हो (बाघ बर्ग) सोनाम ल्होछारको अवसरमा कार्यक्रम गरिएको हो ।
तामाङ पत्रकार संघ मकवानपुरका अध्यक्ष जयराम मोक्तानको अध्यक्षतामा भएको कार्यक्रममा बागमती प्रदेशकी सामाजिक विकास मन्त्री कुमारी मोक्तानको प्रमुख आतिथ्यता रहेको थियो ।
कार्यक्रममा बोल्दै कार्यक्रमकी प्रमुख अतिथि रहेकी मन्त्री मोक्तानले यस्ता धर्म संस्कृतिले विभिन्न जातजातीलाई पहिचान दिने र एकतामा बाध्न सहयोग गर्ने बताइन् ।
उनले कुनैपनि देशको पहिचान त्यहाँ बसोबास गर्ने विभिन्न जातजाती धर्म संस्कृति भएकाहरुको महत्वपूर्ण भूमिका हुने उल्लेख गर्दै यस्ता धर्म संस्कृतिको संरक्षणमा सबै लाग्नुपर्नेमा जोड दिईन ।
कार्यक्रममा बागमती प्रदेश तामाङ घेदुङ सङ्घका अध्यक्ष लिलाकुमार घलान, नेकपा माओवादी केन्द्र मकवानपुरका प्रचार विभाग प्रमुख कमानसिंह पाख्रीन, मकवानपुर खेलकुद विकास समितिका अध्यक्ष सानु लामा दोङ, नेपाल पत्रकार महासंघ मकवानपुरका अध्यक्ष मणिराज गौतम, समाजवादी पत्रकार संघका केन्द्रीय उपमहासचिव रामकुमार एलन, प्रेस चौतारी नेपाल मकवानपुरका अध्यक्ष बालकृष्ण अधिकारी, प्रेस युनियन मकवानपुरका अध्यक्ष पोष्टराज अधिकारी कुमार लगायत विभिन्न संचारमाध्यमा अवद्ध पत्रकारहरुको उपस्तिथि रहेको थियो ।