भीमफेदीमा मतदाता शिक्षा दिंदै गठबन्धनका उम्मेदवार

२१ ब‌ैशाख, हेटौंडा । मकवानपुरको भीमफेदी गाउँपालिकामा सत्तारुढ गठबन्धनले मतदाता शिक्षालाई तीव्र रुपमा अगाडि बढाएको छ । 
स्थानीय तहको निर्वाचन मिती नजिकिएसँगै गठबन्धनले चुनावी अभियानअन्तर्गत मतदाता शिक्षालाई पनि तीव्र रुपमा अघि बढाएको हो । गाउँपालिकामा रहेका मतदाताहरुलाई निर्वाचनमा हत महत्व र मतदान गर्ने तरिकाको विषयमा शिक्षा प्रवाह गरिरहेको गठबन्धनबाट गाउँपालिकाको उपाध्यक्षको उम्मेदवार सञ्जिव श्रेष्ठले जानकारी दिए । भीमफेदी गाउँपालिकामा गठबन्धनबाट अध्यक्षमा माओवादीका बद्री तामाङ र उपाध्यक्षका उम्मेदवार कांग्रेसका श्रेष्ठसहितका उम्मेदवारको समूहले घरदैलो कार्यक्रसँगै मतदाता शिक्षा कार्यक्रमलाई पनि प्राथमिकतामा राखेको छ । 
बुधबार गठबन्धनले भीमफेदी गाउँपालिका–२ को भैसे लगायत विभिन्न स्थानमा कार्यक्रम गरेको छ । उपाध्यक्षका उम्मेदवार श्रेष्ठको अनुसार गठबन्धनका उम्मेदवारले मत माग्दै घरदैलो गर्नुका साथै मतदान गर्ने तरिकासमेत सिकाएका छन् । वडा नम्वर २ स्थित भैसेलगायतका टोलमा र्यालीका साथै कोणसभाको आयोजना गरिएको उनले जानकारी दिए । घरदैलो कार्यक्रममा भीफमेदी गाउँपालिको माओवादी केन्द्रका अध्यक्ष रञ्जित राना मगर, कांग्रेस महाधिवेशन प्रतिनिधी गोरीमाया लामा, जसपा अध्यक्ष कुमार मैनाली लगायतको उपस्थिति रहेको थियो ।