वनबिज्ञान अध्ययन संस्थानलाई सहयोग गर्न तयारः मेयर लामा

file photo

२७ असार, हेटौंडा । हेटौंडा उपमहानगरपालिकाकी मेयर मीना लामाले वन बिज्ञान अध्ययन संस्थानको विकास र संरक्षणको लागि संघ, प्रदेश र स्थानिय सरकारबीच समन्वय गरि थप सुदृढ गर्नुपर्ने बताएकी छन् । 
उनले त्रिभुवन बिश्वबिद्यालयको ६३ औं बार्षिक उत्सबको अबसरमा वनबिज्ञान अध्ययन संस्थानले आयोजना गरेको सम्मान कार्यक्रमको उदेघाटन गर्दै यस्तो बताएकी हुन् ।
उनले वन बिज्ञान अध्ययन संस्थानको शैक्षिक तथा भौतिक विकासमा सक्दो सहयोग गर्ने प्रतिबद्धता व्यक्त गरिन् । एउटै भौतिक संरचनामा दुईवटा अध्ययन संस्थान भएकोले कागजमा मात्र नभएर भौतिकरुपमा अलग हुनको लागि भौतिक संरचना बनाउन पर्ने र बिबाद समाधान गरिनुपर्ने उनको भनाई थियो ।
यस्तै कार्यmक्रममा भारतिय महाबाणिज्य दुताबास बिरगंजका प्रमुख नितेश कुमारले नेपाल र भारतबिचको सम्बन्ध अत्यन्त सुमधुर रहेको उल्लेख गर्दै नेपालको शैक्षिक क्षेत्रमा भारत सरकारले सहयोग गरिरहेको र आगामी दिनमा पनि थप सहयोग गर्ने बताए ।
उनले फरेष्टि क्याम्पस देहरादुनको मोडलको आधारमा हेटौंडाको वन बिज्ञान अध्ययन संस्थानको भौतिक पूर्वाधारको निर्माण भएको र आगामी दिनमा पनि निर्माणमा आर्थिक सहयोग गरिने प्रतिवद्धता पनि व्यक्त गरे ।
अध्ययन संस्थानका प्रमुख शिबकुमार मानजनको अध्यक्षतामा भएको उक्त कार्यक्रममा हेटौंडा उपमहानगरपालिका १० का वडा अध्यक्ष फूर्वा लामा, प्राध्यापक गुलाब चौधरी लगाएतले मन्तव्य व्यक्त गरेका थिए ।