मुग्लीन-नारायणगढ सडक अवरुद्ध हुदा,बाइरोडमा सवारी चाप

१७ साउन,हेटौंडा। अविरल बर्षाका पहिरो जादा करिब १७ घण्टादेखि मुग्लीन-नारायणगढ सडकखण्ड अवरुद्ध हुँदा त्रिभुवन राजपथ अर्थात (बाइरोड) मा सवारी चाप बढेको छ। 
मुग्लीन-नारायणगढ सडकखण्डको भरतपुर-२९ केराबारीमा र इच्छाकामना वडा नम्बर २ र ३जोडने पुल नजिक  पहिरो खस्दा यो समाचार तयार पार्द सम्म सडकखण्ड खुल्न सकेको छैन।
उक्त मार्ग अवरुद्ध हुदा काठमाडौं हिडेका यात्रु बाहक बस तथा माइक्रो लगायतका सवारीलाई त्रिभुवन राजपथ हुदै काठमाडौं पाठाइएको मकवानपुर ट्राफिक प्रहरी प्रमुख प्रहरी निरीक्षक मुनेन्द्र थापाले बताए। बाइरोड हुदै जाने खोज्ने सवारीलाई रुट परमिट नहुनेलाई पटके काटेर त्रिभुवन राजपथ हुदै जान दिइएको थापाले बताए। मालवाहक सवारीलाई  दिउँसो हेटौंडामा रोकिएको र अहिले हेटौंडामा पनि ट्राफिक व्यवस्थापनमा समस्या देखिएकोले अपरान्हबाट मधेस प्रदेश ट्राफिक कार्यालय पथलैयाको समन्वयमा पथलैयामानै  रोकिएको प्रहरी निरीक्षक थापाले बताएका छन। 
यता इलाका प्रहरी कार्यालय पालुङले त्रिभुवन राजपथ मुग्लीन-नारायणगढ सडकखण्ड अवरुद्ध हुदा विगतको तुलनामा सवारी चाप बढेको यद्यपि पहिरो नगएकोले निर्वाद रुपमा यातायातका साधन सञ्चालन भइरहेको जनाएको छ।