हेटौंडामा ३७ वटा लायन्स क्लबको संयुक्त पदस्थापन

२९ साउन,हेटौंडा। मकवानपुरका ३७ वटा लायन्स क्लबका पदाधिकारीको संयुक्त रुपमा पदस्थापन गरेका छन्।शनिबार हेटौंडामा ३७ वटा लायन्स क्लबहरुले संयुक्त पदस्थापन कार्यक्रम  सम्पन्न गरेका हुन्।  ।

सामाजिक सेवाको क्षेत्रमा कार्य गर्ने अन्तर्राष्ट्रिय स्वयम्सेवी संस्था लायन्स क्लब इन्टरनेशनल ३२५ एस नेपालअन्तर्गत मकवानपुरमा रहेका ३७ वटा क्लबको एकसाथ पदस्थापन कार्यक्रम भएको लायन्स क्लब इन्टरनेशनल ३२४ एस नेपालको एरिया २ का चिफ विकेशलाल श्रेष्ठले जानकारी दिएका छन्। 
पदस्थापन कार्यक्रम लायन्स क्लब अफ हेटौंडाका अध्यक्ष माधव न्यौपानेको अध्यक्षता तथा हेटौंडा उपमहानगरपालिकाकी प्रमुख मीनाकुमारी लामाको प्रमुख आतिथ्यमा  भएको हो ।कार्यक्रममा लायन्स क्लब इन्टरनेशनल ३२५ एस नेपालका गभर्नर अमरबहादुर श्रेष्ठ, ३२५ बी २ का पूर्वगभर्नर शम्भु नकर्मी लगायत लायन्स क्लबका अगुवाहरुको सहभागिता रहेको थियो । कार्यक्रममा उत्कृष्ट क्लब तथा सदस्यलाई सम्मान समेत गरिएको थियो ।
पदस्थापन कार्यक्रम लायन्स क्लब अफ हेटौंडा भुटनदेवीकी अध्यक्ष निलम देवकोटाको संयोजकत्वमा भएको हो। लायन्स क्लबको एक वर्षे कार्यकाल रहने व्यवस्था अनुसार वर्ष २०२२/२३ का लागि नव निर्वाचित समितिलाई पदस्थापन गरिएको हो ।