हेटौंडामा इन्धन ट्याङ्करमा लागुऔषध दुई जना पक्राउ

५भदौं,हेटौंडा। मकवानपुर प्रहरीले इन्धन बोकेको ट्याङ्करबाट लागुऔषध सहित दुईजनालाई पक्राउ गरेको छ। 

मकवानपुरको हेटौंडा-१५ बाट  लागुऔषध सहित  बारा अमलेखगंज घर भई हाल हेटौंडा उपमहानगरपालिका–४ हुप्रचौर बस्ने ३८ बर्षीय प्रमेश कुमार श्रेष्ठ र बारा घर भई हाल हेटौंडा–५ लटिनाथ बस्ने ३२ बर्षीय दिप पाण्डेलाई पक्राउ गरेको हो। प्रहरीले लागुऔषध नाईट्राभेट ४८० ट्याबलेट, प्यीभोन स्पास प्लस ४८० क्यापसुल, डाइलेक्स डिसी १०० एमएलको एक बोतल र सुन जस्तो देखिने पहेलो धातुबाट बनेको टाउकोमा लगाउने चन्द्रमा र तारा १र१ थान सहित दुवैलाई नियन्त्रणमा लिएको हो। 
प्रहरी चौकी रातोमाटे मकवानपुरबाट खटिएको टोलीले पुर्व पश्चिम अन्तर्गत हेटौंडा–१५ रातोमाटे चेकपोष्टस्थित बिरगंजबाट हेटौडातर्फ आउँदै गरेको ना ३ ख ५५९३ नम्बरको पेट्रोलियम पदार्थ लोड भएको ट्याङकरलाई रोकेर चेकजाँच गर्ने क्रममा चालक श्रेष्ठ र सहचालक पाण्डेलाई उक्त परिणामको लागुऔषध सहित पक्राउ गरेको  मकवानपुरका डिएसपी टेक बहादुर कार्कीले जनाएका छन्। 
उक्त ट्याङकरमा चेकजांच गर्ने क्रममा चालकको सिट पछाडीको क्याबिनको भागमा लुकाई छिपाई ल्याएको अबस्थामा लागुऔषध बरामद गरेको र पक्राउ परेका माथी आवश्यक अनुसन्धान भइरहेको जनाइएको छ।