हेटौंडा जेसिजको सप्ताहव्यापी कार्यक्रम: वृक्षारोपण देखी सरसफाई

१७ भदौं,हेटौंडा ।  हेटौंडा जेसिजले आफ्नो सप्ताहव्यापी कार्यक्रम भदौ १९ गतेबाट २५ गते सम्म गर्ने भएको छ।हेटौंडा जेसिजले शुक्रबार पत्रकार सम्मेलनको आयोजना गर्दै आफ्नो सप्ताहव्यापी कार्यक्रमको बारेमा जानकारी गराएको हो। 
पत्रकार सम्मेलनमा बोल्दै जेसिज २०२२ का अध्यक्ष पवन कुमार कंशाकारले आफ्नो सप्ताहव्यापी कार्यक्रमको बारेमा  सुनाएका थिए। 
सप्ताहव्यापी कार्यक्रम अन्तर्गत भदौं १९ गते आइतबार लागु औषध सचेना कार्यक्रम र सीप विकास तालिम कार्यक्रम गरिने, २० गते रक्तदान कार्यक्रम र हेटौंडा अस्पतालमा फलफुल वितरण ,भदौं २१ गते जेसीज र बैंकर्सहरु बीच मैत्रीपूर्ण फुटसल कार्यक्रम, खुला पौडी प्रतियोगिता र सरसफाई कार्यक्रम रहेको अध्यक्ष कंसाकारले बताएका छन्। 

जेसीज सप्ताह कार्यक्रम अन्तरगत २२ गते वृक्षारोपण कार्यक्रम र अन्तर जेसीज वक्तृत्वकला प्रतियोगिता, २३ गते अम्बिका देवी स्मृती हाजिरीजवाफ प्रतियोगिता कार्यक्रम गरिने जनाइएको छ। भदौं२४ गते मधेश प्रदेश र बागमती प्रदेश छुट्याउन बारा र मकवानपुरको सिमाना चुरियामाई मन्दिर नजिक स्वागत  बोर्ड राखिने र सोही हेटौंडा ९ मा ट्राफिक सचेतना कार्यक्रम गरिने जनाइएको छ।२५ गते भने जेसीज सप्ताह कार्यक्रम समापन तथा पुरस्कार वितरण कार्यक्रम रहेको जनाइएको छ।त्यसैगरी जेसीजले भोली शनिबार बिहान हेटौंडा-५ हुदै मकवानपुरगढी-३ मा रहेको मनकामना मन्दिर सम्म साइकललिङ्ग रेसको आयोजन गरेको हेटौंडा जेसीजका महासचिव विकेशलाल श्रेष्ठले जनाएका छन्। उनले केही प्रतियोगितामा नगद र प्रमाणपत्रको व्यवस्था गरिएको जनाइएको छ। पत्रकार सम्मेलनमा जेसीज सप्ताहका मुल कार्यक्रम संयोजक शीवकुमार श्रेष्ठ, सह संयोजक महेश अधिकारी,महासचिव विकेशलाल श्रेष्ठ लगायत पदाधिकारीहरुको उपस्थिती रहेको थियो ।