'ढुक्क भएर दशैं मनाउनुस, मकवानपुर प्रहरी साथमा छ'

सुरक्षा योजना बारे जानकारी दिदै एसपी गौतम

१० असोज, हेटौंडा । जिल्ला प्रहरी कार्यलय मकवानपुरले दशैको अवसरमा २४ सै घण्टा परिचालन हने र यात्रु बसमा प्रहरी गस्तीको टोली खटिने जनाउदै ढुक्क भएर चाडपर्व मनाउन भनेको छ।

जिल्ला प्रहरी कार्यालय मकवानपुरमा सोमबार चाडपर्व लक्षित सुरक्षा योजना सार्वजनिक कार्यक्रममा मकवानपुरका प्रहरी उपरीक्षक बामदेव गौतमले यसो बताएका हुन। 
प्रहरीले सार्वजनिक गरेको सुरक्षा योजना अनुसार चाडपर्वको समयमा मकवानपुरमा २४ घण्टै प्रहरी परिचालन हुने भएको छ । 
सोमबार पत्रकारहरुसँग कुरा गर्दै जिल्ला प्रहरी कार्यलय मकवानपुरका प्रहरी प्रमुख (प्रहरी उपरीक्षक) बामदेव गौतमले चाडपर्व सुरु भए लगत्तै प्रहरी परिचालनमा कडाई गरिने जानकारी दिए। उनले चाडपर्वको समयमा प्रहरी कर्मचारीलाई विदा नदिएको र विदामा रहेकालाई समेत फिर्ता बोलाएको बताएका छन्।
प्रहरी उपरीक्षक गौतमले सादा पोशाक, मोवाइल गस्ती, चेकिङ, साइकल गस्ती लगायतका कार्यलाई परिचालन गरिने बताए । जिल्लाबासीको सुरक्षाका लागि मकवानपुरमा ५७६ जना प्रहरी परिचालन हुने बताए। 
"जिल्लाको चारैक्षेत्रको नाकामा र जिल्ला भित्र रहेका ६२ वटै प्रहरी युनिटबाट पैदल, साइकल मोटरसाइकल मार्फत टोली परिचालन गरिनेछ"- पत्रकार सम्मेलनमा प्रहरी उपरीक्षक गौतमले भने 
आम नागरिकलाई सुरक्षा प्रत्याभूति दिनका लागि रातदिन खटिने र सुरक्षित वातावरणमा चाड मनाउने अवस्था सृजना गर्ने उनले बताएका छन्। 

सुरक्षा योजना सार्वजनिक कार्यक्रममा जिल्ला प्रहरी कार्यालय मकवानपुरका प्रहरी निरीक्षक चुडा कुमारी खड्का,रामचन्द्र घिमिरे,वडा प्रहरी कार्यालयका प्रमुख प्रहरी निरीक्षक केशर कुमार न्यौपाने,इलाका प्रहरी कार्यालय पशुपतिनगरका प्रहरी निरीक्षक सुमन बाँनिया लगायत पत्रकार महासंघ मकवानपुर अध्यक्ष मणिराज गौतम सहित मकवानपुरका विभिन्न संचारगृहका कार्यरत पत्रकारहरुको उपस्थिती रहेको थियो।