मकवानपुरमा प्रतिनिधि तथा प्रदेशसभा निर्वाचनका लागी कार्यालय स्थापना

१५ असोज,हेटौंडा। प्रतिनिधीसभा सदस्य तथा प्रदेशसभा सदस्य निर्वाचन-२०७९का  लागि मकवानपुरमा आज मुख्य निर्वाचन अधिकृत र निर्वाचन अधिकृतको कार्यालय उदघाटन गरिएको छ । 
यही मंसिर  ४  गते हुने प्रतिनिधीसभा सदस्य तथा प्रदेशसभा सदस्य निर्वाचन का लागि मुख्य निर्वाचन अधिकृत र निर्वाचन अधिकृतको कार्यालय स्थापना गरिएको हो।मकवानपुरका मुख्य निर्वाचन अधिकृत ऋषिराम निरौला,क्षेत्र नम्बर २ का निर्वाचन अधिकृत मुकुन्दहरी पौडेल,जिल्ला समन्वय समिति मकवानपुरका प्रमुख ललित बहादुर घलान र मकवानपुरका प्रजिअ राजेन्द्र देव पाण्डेले संयुक्त रुपमा कार्यालयको उदघाटन गरेका हुन।

मकवानपुरका मुख्य निर्वाचन अधिकृत जिल्ला न्यायाधीश ऋषिराम निरौलाको अध्यक्षता र जिल्ला प्रशासन कार्यालयका प्रमुख राजेन्द्र देव पाण्डे,जिल्ला समन्वय समिति मकवानपुरका प्रमुख ललित बहादुर घलान, हेटौंडा उपमहानगरपालिकाकी प्रमुख मिना कुमारी लामा, क्षेत्र नम्बर-२ का निर्वाचन अधिकृत मुकुन्द हरि पौडेल, निर्वाचन आयोग वागमती प्रदेश कार्यालयका प्रमुख लुम्बनाथ पोखरेल, मकवानपुरका प्रहरी प्रमुख प्रहरी उपरीक्षक बामदेव गौतम, अन्य सुरक्षा प्रमुख तथा मकवानपुरका विभिन्न राजनैतिक दलका प्रतिनिधिहरुको उपस्थिति रहेको थियो ।हेटौंडा–२ स्थित वागमती प्रदेश सरकारका मुख्यमन्त्री तथा मन्त्रिपरिषदको कार्यालयको हाता भित्र रहेको जिससको पुरानो भवनमा मुख्य निर्वाचन अधिकृतको कार्यालय र निर्वाचन अधिकृतको कार्यालय स्थापना गरिएको हो । ३ लाख ७ ३३ जना कुल मतदाता संख्या रहेको मकवानपुरमा २६७ मतदान स्थल रहेका छन् भने ३६४ वटा मतदान केन्द्रहरु तोकिएको छ । जसमा निर्वाचन क्षेत्र नम्वर १ मा ६२ वटा मतदानस्थल, १७२ वटा मतदान केन्द्र तोकिएको छ भने क्षेत्र नम्वर २ मा १०५ वटा मतदानस्थल र १९२ वटा मतदान केन्द्र तोकिएको छ।