आइजिएफएफ मकवानपुरद्वारा तिन कार्यालय प्रमुखलाई ध्यानाकर्षणपत्र

२६असोज,हेटौंडा।अन्तर सञ्जाल महिलावादी मञ्च(आइजिएफएफ)ले मकवानपुरका तिनवटा सरकारी कार्यालयमा ध्यानाकर्षण पत्र बझाएको छ। 
आइजिएफएफ केन्द्रीय अभियान अन्तर्गत मकवानपुरमा रहेको जिल्ला प्रशासन कार्यालय,जिल्ला निर्वाचन कार्यालय र जिल्ला प्रहरी कार्यालयमा ४ बुँदे ध्यानाकर्षण पत्र बुझाएको हो।  आइजिएफएफ मकवानपुरकी फेकल पर्सन कल्पना पराजुली,मकवानपुर सदस्य राधा खतिवडा,प्रगतिशील महिला आपसी विकास संस्थाकी अध्यक्ष वनरसी उप्रेती लगायतको महिला टोली बुधबार बिहान मकवानपुरका प्रजिअ राजेन्द्र देव पाण्डे,निर्वाचन आयोग वागमती प्रदेश प्रमुख लुम्बनाथ पोखरेल र जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीलाई भेटेर ध्यानाकर्षण पत्र बुझाइएको हो। सञ्जालले निर्वाचन र निर्वाचन पछी हुने भोज भतेर र मदाक पदार्थ सेवनबाट हुने महिला हिंसा,चुनाव प्रचारमा संलग्न महिलालाई सुरक्षित वातावरण सृजना गर्न,मतदान केन्द्रमा जादा शारीरिक अशक्त, वृद्धवृद्धाहरुलाई सहजता प्रदान गर्न र निर्वाचन आचार संहित उल्लङ्घन निर्वाचन आयोगलाई ध्यानाकर्षण गराउन जस्ता माग सहित ४ बुदे ध्यानाकर्षण पत्र बुझाइएको आइजिएफएफ मकवानपुरकी फोकल पर्सन पराजुलीले बताइन।