संविधान बिरोधिहरुलाई चिनौंः डीना 

३० असोज, हेटौंडा । नेपाली कांग्रेस सहमहान्त्री एवम् निर्वाचन क्षेत्र नम्बर १ का उम्मेदवार महालक्ष्मी उपाध्याय डिनाले संविधान, संसद र लोकतन्त्रको हरण हुनबाट जोगाउन लोकतान्त्रिक वाम गठबन्धन कायम रहने बताएकी छन् । 
मकवानपुर गढी गाउँपालिकाको शिखरकटेरीमा लोकतान्त्रिक वामगठबन्धनको संयुक्त कार्यालय उद्घाटन कार्यक्रमको प्रमुख अतिथि रहेकी डीनाले जसले वर्तमान संविधानलाई अपनत्व गर्दै हस्ताक्षर गरेको छैन त्यस्ता शक्तिहरुले लोकतन्त्र बचाउँछ भन्नु भ्रम मात्रै भएको बताईन ।
’एमालेले गरेको गठबन्धन अपवित्र छ, दुई दुई पटक संसद विघटन गरेर संविधानलाई संकटमा पु¥याउँनेले संविधान जारी हुँदै गर्दा संविधानको विरोधमा संसद बाहिर बस्नेलाई बोकेर हिडेका छन् । नागरिकले यस्तालाई चिन्नुपर्छ । डीनाले भनिन् ।
उनले कतै माओवादीको, कतै समाजवादीको र कतै कांग्रेसको उम्मेदवार छैन भन्दै उक्साउन आउनेहरुलाई कमल थापा बोकेर कस्तो लोकतन्त्र र गणतन्त्रको अनुभूति गराउन खोजेको हो भन्ने प्रश्न गर्न आग्रह गरिन् । उम्मेदवार डीनाले आफू पहिलो पटक पूर्वी मकवानपुरको भूगोलमा उम्मेदवार भए पनि पूर्वी मकवानपुरको विकासमा उल्लेख्य बजेटहरु पहिलादेखि नै व्यवस्था गर्दै आएको बताईन । समग्र जिल्लाको बिकासको लागि आफ्नो उम्मेदवारी रहेको उनको भनाई थियो ।
गठबन्धनका साझा उम्मेदवारहरु नै ५ दलको उम्मेदवार भएकोले चुनाब चिन्ह भन्दापनि दल र उम्मेदवार महत्वपुर्ण रहेकोले निर्बाधरुपमा साझा उम्मेदवारहरुलाई मतदान गर्न डीनाले आग्र्रह गरिन् ।