आगामी चुनाव राष्ट्रघाती विरुद्ध राष्ट्रबादीको चुनावः थापा

२ कार्तिक, हेटौंडा । राष्ट्रिय प्रजातन्त्र पार्टी नेपालका केन्द्रीय अध्यक्ष एवं नेकपा एमाले मकवानपुर क्षेत्र नम्बर १ का उम्मेद्बार कमल थापाले बिगतका भन्दा यो चुनाव महत्वपूर्ण र अर्थपुर्ण रहेको बताएका छन् । 
नेकपा एमालेको हेटौंडा ९ मा आयोजित विस्तारित बैठकलाई सम्बोधन गर्दै थापाले राष्ट्रघाती विरुद्ध राष्ट्रबादीको चुनाव भएकोले चुनावले दुरगामी महत्व राखेको दावी गरे । उहले कांग्रेस नेतृत्वको गठबन्धन किन र कसले बनायो, अभिप्राय के थियो भन्ने चिन्तन मनन गर्नुपने बेला आएको बताए । साम्यवादी र पुजीवादीको गठबन्धन शस्कास्पद र अपबित्र रहेको आरोप पनि लगाए । 
यस्तै एमालेका तर्फबाट प्रदेश सभा क्षेत्र नम्बर १ का उम्मेदवार एवं एमाले जिल्ला अधयक्ष एकलाल श्रेष्ठले देशको हित भन्दा पनि स्वार्थका लागि कांग्रेस नेतृत्वको गठबन्धन बनेको दावी गरे । उनले आफु बागमती प्रदेशका पूर्वमुख्यमन्त्री डोरमणि पौडेलको उत्ताराधिकारी भएर काम गर्ने बताए । उनले गठबन्धनले संविधान र लोकतन्त्रलाई दाउमा राखेको आरोप पनि लगाए । 
यसैगरी कार्यक्रममा बोल्दै बागमती प्रदेशका पूर्व मुख्यमन्त्री डोरमणी पौडेलले जनताले जिताएकाहरु नै गठबन्धनको नाममा बिनासको बाटो तिर लागेको बताए । उनले आफू मुख्यमन्त्री हुँदा गृह जिल्लामा बढीभन्दा बढी विकास गरेको दावी गर्दैसहि मान्छे चिन्ने बेला आएको बताए । पौडेलले एमाले सरकारले सुरुवात गरेका काम पूरा गर्न फेरी पनि एमालेकै सरकार चाहिने भएकाले सूर्य ध्वजावाहक उम्मेदवारहरुलाई मतदान गर्न आग्रह गरे । 
कार्यक्रममा र एमाले बागमती प्रदेश कमिटीका सदस्य रघुनाथ खुलाल, राष्ट्रियसभाका सदस्य रामचन्द्र राई, प्रदेश कमिटीका सदस्य अर्जुन अर्याल, रामचन्द्र अर्याल, निर्वाचन परिचालन समिति वडा नम्बर–९ का संयोजक नरेन्द्र भण्डारी लगायतकाको आतिथ्यता रहेको थियो ।