मकवानपुरको प्रतिनिधि सभा क्षेत्र नम्बर १ को सचिवालय उद्घाटन

१ कात्तिक, हेटौंडा । आसन्न प्रतिनिधि सभा र प्रदेश सभा निर्वाचन लक्षित प्रचार प्रसारका लागी लोकतान्त्रिक–बाम गठबन्धनले बुधबार हेटौंडा २ कांग्रेस चोकमा सचिवालयको स्थापना गरेको छ । 
मकवानपुरको प्रतिनिधि सभा क्षेत्र नम्बर १ लक्षित चुनावी गतिविधि र कार्यकर्ता भेटघाट तथा व्यवस्थापनका लागी सचिवालयको स्थापना गरिएको नेपाली कांग्रेस प्रतिनिधि सभा क्षेत्र नम्बर १ का संघिय सभापति दामोदर खनालले जानकारी दिए । 
सचिवालयको उद्घाटन नेपाली कांग्रेसका केन्द्रीय सह–महामन्त्री एवं प्रतिनिधि सभा क्षेत्र नम्बर १ का उम्मेदवार महालक्ष्मी उपाध्याय डीना, प्रदेश सभा क्षेत्र नम्बर १ क र ख का उम्मेदवार क्रमशः प्रेमबहादुर पुलामी छिन्तु र आनन्दराम पराजुली तथा नेपाली कांग्रेस मकवानपुरका सभापति बुद्ध लामाले संयुक्तरुपमा गरेका हुन् ।
कार्यक्रममा बोल्दै कांग्रेसकी सह–माहामन्त्री एवं उम्मेदवार डीनाले लोकतान्त्रिक गठबन्धनका उम्मेदवारहरुलाई अत्यधिक मतका साथ जिताउन आग्रह गरिन ् उनले कांग्रेस र कम्युनिष्टको गठबन्धन हेर्दा आनौठो लागेपनि व्यवस्था र विधिको साशन जोगान कांग्रेस, माओवादी र समाजवादी एकैठाउँमा उभिएको बताईन । 
उम्मेदवार डीनाले बृहत शान्ति सम्झौताको जगमा आएको व्यवस्था र सार्वभौम जनताका प्रतिनिधिले बनाएको संविधान मास्न खोजिएपछि त्यसको रक्षाका लागी लोकतान्त्रिक गठबन्धन बनेको स्पष्ट पारिन । हिजोपनि देशमा व्यवस्था परिवर्तन गर्न कांग्रेस र माओवादीको गठबन्धनबाट मात्रै सम्भव भएको स्मरण गराउँदै डीनाले एमालेका अध्यक्ष केपी शर्मा ओलीले बयल गाडा चढेर चन्द्रमा पुगिदैन भनेर परिवर्तनको विरुद्धमा बोलेको स्मरण गराइन । 
उनले तिनै केपी शर्मा ओली र संविधान निर्माणका बेला संविधानको विरोधमा संसद बाहिर रहेका कमल थापा गर्धन जोडेर भोट माग्न आएको बताउँदै जनताले उनीहरुलाई जवाफ दिनुपर्ने बताइन ।
नेपाली कांग्रेस प्रतिनिधि सभा क्षत्र नम्बर १ का सभापति दामोदर खनालको सभाध्यक्षतामा भएको कार्यक्रममा प्रदेश सभा सदस्यका उम्मेदवारहरु प्रेमबहादुर पुलामी छिन्तु र आनन्दरामा पराजुली र कांग्रेस मकवानपुरका सभापति बुद्ध लामाले गठबन्धनका उम्मेदवारहरुलाई जितान आग्रह गरे । 
गठबन्धन एकढिक्का रहेको सन्देश दिँदै उनीहरुले गठकन्धनका उम्मेदवार विजयी भएपछि प्रदेश र संघमा सरकारले जनताको पक्षमा काम गर्ने दावी गरे । गठबन्धन जनताको चाहाना र समयका आवस्यकताले बनेको उल्लेख गर्दै जनताको पक्षमा काम गर्ने प्रतिवद्धता पनि व्यक्त गरे ।
कार्यक्रममा नेपाली कांग्रेसका पूर्व सभापति रामचन्द्र माइकल अर्याल, जिल्ला सह–सचिव इन्दिरा न्यौपाने लगाएत नेपाली कांग्रेस, माओवादी केन्द्र र समजवादी पार्टीका नेता तथा कार्यकर्ताहरुको उपस्थिति रहेको थियो ।