जनताको पहुँच बढाउन सत्तारुढ गठबन्धनले जित्न आवश्यकः डीना

४ कार्तिक, हेटौंडा । नेपाली कांग्रेसको केन्द्रिय सहमहामन्त्री एवम् मकवानपुर–१ बाट सत्तारुढ गठबन्धनको प्रतिनीधीसभा सदस्य उम्मेदवार महालक्ष्मी उपाध्याय डीनाले सबै सेवामा आम जनताको पहँुच बढाउन सत्तारुढ गठबन्धनले जित्न आवश्यक रहेको बताएकी छन् ।
शुक्रबार नेपाल महिला संघ १५ नम्वर वडा कार्य समितीले आयोजना गरेको अगुवा महिला कार्यकर्ता भेलालाई सम्बोधन गर्दै उनले यस्तो बताएकी हुन् । उनले विगतदेखी नै हाल कायम रहेको सत्तारुढ गठबन्धनको दलहरु नेपालको राष्ट्रियता र लोकतन्त्र स्थापित गर्दै आम जनताको पहुँच शिक्षा,स्वास्थ्य लगायत सबै सेवा पुर्याउन लागि परिरहेको बताइन् । 
डीनाले नेपालको संविधानमा महिला,पिछडिएका वर्ग,दलित,जनजातीको हक अधिकार सुनिश्चित गर्न आफ्नो पनि भुमिका रहेको सुनाइन् । मकवानपुरको दुवै प्रतिनीधिसभा र प्रदेशसभामा गठबन्धनको जीत सुनिश्चित रहेको उनको भनाई छ । ‘मकवानपुरमा गठबन्धनको जीत सुनिश्चित छ’,उनले भनिन् । 
यस्तै मकवानपुरको निर्वाचन क्षेत्र नम्वर १ को प्रदेशसभा ख का उम्मेदवार आनन्दराम पराजुलीले आगामी निर्वाचनमा सत्तारुढ गठबन्ध्नको प्रतिष्पर्धा संविधान च्यात्ने र देशलाई गलत दिशामा लैजान खोज्नेसँग भएको बताए । अप्ठेरो समयमा सधैं कांग्रेसले देशको नेतृत्व गरेको भन्दै पराजुलीले निर्वाचनपछि पनि देशको नेतृत्व कांग्रेसले नै गर्ने बताए । 
पदमा नहुँदा पनि आफू सधैं जनताको साथमा रहेको भन्दै उनले एमाले चुनाव आएपछि मात्रै जनतालाई भेट्न आउने गरेको आरोप लगाए । आगामी निर्वाचनले देशको भविष्य निधाएरण गर्ने भएकोले गठबन्धनलाई जिताउनुपर्ने उनको भनाई थियो । नेपाल महिला संघ १५ नम्वर वडा कार्य समितीको अध्यक्ष देवी मिश्रको सभाध्यक्षतामा कार्यक्रम भएको थियो ।