चित्रेपानी वनको २१ औ साधारणसभा सम्पन्न,नयाँ नेतृत्व चयन हुदै

५ कार्तिक,हेटौंडा  । हेटौँडा–६ गौरीटारमा रहेको चित्रेपानी सामुदायिक वन उपभोक्ता समूहको २१ औं बार्षिक साधारण सभा शनिबार सम्पन्न भएको छ।वन समूहका अध्यक्ष सुर्य बहादुर घलानको सभाध्यक्षतामा सम्पन्न भेलाको प्रमुख अतिथी हेटौंडा  उपमहानगरपालिकाका उपप्रमुख राजेश बानियाँ रहेका थिए।

साधारण सभामा वन समूहका अध्यक्ष सूर्यबहादुर घलानले संस्थागत प्रगति  प्रतिवेदन,समूहकी  कोषाध्यक्ष इन्दिरा जिम्बाले आर्थिक प्रतिवेदन प्रस्तुत गरेकी थिइन।
सभामा समूहको गतिविधिलाई जनमानस माझ पुर्याउन सहयोग गरेको  भन्दै प्रष्ट खबर डटकमका प्रमुख सम्वाददाता सुनिल शिवाकोटी, वन समूहको हाताभित्र वृक्षारोपणमा सहयोग पुर्‍याउन सहकार्य गरेको भन्दै डाबर नेपालका एसोसिएट म्यानेजर विष्णु केसी,वन डढेलो नियन्त्रणमा उत्कृष्ट काम गर्ने उपभोक्ता हरि प्रसाद दाहाललाई सम्मान गरिएको थियो ।
कार्यक्रममा हेटौंडा-६ का वडाध्यक्ष बिष्णु बहादुर दाहाल,हेटौंडा-१५ का वडाध्यक्ष सुनिल मोक्तान,६ नम्बर वडाका वडासदस्यहरु विजय पौडेल, लेखराज ढकाल,सरिता सापकोटा,१५ नम्बरका वडा सदस्य राजेन्द्र तितुङ, मिनु विक,सामुदायिक वन उपभोक्ता महासंघ मकवानपुरका अध्यक्ष साधुराम चौलागाई,रानी सामुदायिक वनका उपाध्यक्ष केशव धिताल, चित्रेपानी सामुदायिक वन हेटौंडा ७।८ का अध्यक्ष वाल कुमारी थापा,संचारकर्मी भिमसेन पौडेल लगायतको विभिन्न संघ संस्थाका प्रतिनिधीको उपस्थिती रहेको थियो।समूहको आजको भेलाले नयाँ नेतृत्व समेत चयन गर्नेछ।समूहमा ४०० उपभोक्ता आवद्ध रहेका छन्।