स्थानीय जस्तै यो चुनावमा पनि गठबन्धन सफल हुन्छः मोक्तान

५ कार्तिक, मनहरी । मकवानपुरको क्षेत्र नम्बर २ को (क) का उम्मेदवार नेकपा माओवादी केन्द्रका नेतृ कुमारी मोक्तानले गठबन्धन फुटाउन धेरै चलखेल भैरहेको भन्दै प्रतिशोधको भावना नराखी गठबन्धनका उम्मेदवार जिताउनेतर्फ लाग्न अनुरोध गरेकी छन् । 
रजैयाको कार्यक्रमलाई सम्बोधन गर्दै उनले स्थानीय तहको निर्वाचनमा मकवानपुरमा गठबन्धन सत्प्रतिशत सफल भएको स्मरण गर्दै यस निर्वाचनमा पनि ६ जना नै उम्मेदवारले विजयको माला पहि¥याउने दावी गरन् ि।
‘अघिल्ला निर्वाचनहरु सम्झेर प्रतिशोधको भावना नराख्नुहोला यसले ठीक गर्दैन, गठबन्धन अहिले राष्ट्रिय आवश्यकता हो । चुनावपछि पनि गठबन्धन जारी नै रहन्छ । मकवानपुरको विकास पनि गठबन्धन मिलेरै गर्ने हो’, बागमती प्रदेशको सामाजिक विकास मन्त्री समेत रहेकी उनले भनिन्, ‘गठबन्धनमा सबै आफैले मात्र लिने भन्ने हुँदैन । 
गठबन्धन हुँदा सबै पार्टीलाई मिलाउनुपर्ने अवस्था भएकोले धेरै आकांक्षीहरुलाई चोट पुगेको पनि हुनसक्छ । गठबन्धनको उम्मेदवार मकवानपुरमा ६ जना हो, मेरो पार्टीको हो वा होइन भनेर हेर्ने बेला होइन, ६ जनालाई नै जिताउन सबैले आ–आफ्नो स्थानबाट भूमिका खेल्न जरुरी छ ।’ 
गठबन्धनका उम्मेदवारहरु मुख्यमन्त्री देखि केन्द्रको मन्त्रीसम्म हुनसक्ने हैसियतको भएको उल्लेख गर्दै मोक्तानले सत्ता गठबन्धनको जितले मात्रै मुलुकको विकास र हिन हुनसक्ने बताइन् । तपाईहरुले सोचेको जस्तै विकास गठबन्धनले मात्रै गर्नसक्ने उनको दावी थियो । 
कांग्रेस मनहरी गाउँपालिका सभापति प्रकाश बर्तौलाको अध्यक्षतामा भएको कार्यक्रममा बागमती प्रदेशका भौतिक पूर्वाधार राज्यमन्त्री सन्तबहादुर चेपाङ, नेकपा (एस) का केन्द्रीय सदस्य राजाराम स्याङ्तान, कांग्रेस मकवानपुर सभापति बुद्ध लामा, नेकपा माओवादी केन्द्र मनहरी अध्यक्ष रामप्रसाद कालाखेती लगायतले मकवानपुरमा गठबन्धनको जित सुनिश्चित रहेको दावी गर्दै उम्मेदवारलाई जिताउन कुनै कसर बाँकी नराख्ने धारणा राखेका थिए ।