म जनताको सेवामा निरन्तर लागिरहन्छु, अरुको जस्तो अन्तिम पटक भनेर भाग्दिनः डीना

१२ कार्तिक, हेटौंडा । नेपाली कांग्रेस केन्द्रीय सह–महामन्त्री एवं मकवानपुर प्रतिनिधि सभा क्षेत्र नम्बर १ की उम्मेदवार महालक्ष्मी उपाध्याय डीनाले आफु निरन्तर जनताको सेवामा रहने बताएकी छन् । 
उनले जनताको सेवा भावनाकै कारण समानुपातिकमा पाएको अवसर छोडेर निर्वाचनमा प्रतिस्पर्धा गर्न आएको बताएकी हुन् । हेटौंडा उपमहानगरपालिका वडा नम्बर १६ मा शनिवार भएको चुनाव प्रचार प्रसार कार्यलय उद्घाटन कार्यक्रममा बोल्दै डीनाले आफु अरुको जस्तो अन्तिम पटक भन्दै भाग्ने मनसायले चुनावी प्रतिस्पर्धामा नआएको दावी गरिन् ।
"यहाँ केही उम्मेदवारहरु मेरो अन्तिम पटक हो । मलाई बचाईदिनुस भन्दै आएका छन् । उनीहरु त्यसपछि फेरी जनताको माझमा जनताको माझामा फर्किदैनन् ।" डीनाले दावी गरिन् । डीनाले उनीहरुको अन्तिम पटकमा नझुक्किन पनि आग्रह गरिन् । अन्तिम पटक भनेर आएकाहरु विगितमा जस्तौ नफर्कने उनको दावी थियो । 
नेपाली कांग्रेस हेटौंडा १६ नम्बर वडा सभापति सोमनाथ दंगालको सभाध्यक्षतामा भएको कार्यक्रममा एकीकृत समाजवादीको केन्द्रीय सदस्य धनप्रसाद गौतम, प्रदेश सभा क्षेत्र नम्बर १ (क)का उम्मेदवार प्रेमबहादुर पुलामी छिन्तु लगाएतले मन्तव्य व्यक्त गरेका थिए । 
नेविसंघ मकवापनुरका अध्यक्ष राजु खतिवडाले सहजिकरण गरेको कार्यक्रममा नेपाली कांग्रेस बागमती प्रदेश सदय देवकी गौतम, माओवादी केन्द्रकी प्रदेश सह–सचिव लक्ष्मी माझी, नेपाली कांग्रेसका सचिव भिमसेन महत, सहसचिव इन्दिरा न्यौपाने, प्रवक्ता अर्जुन प्रसाद चौलागाई, नगर सभापति उत्सव इटेनी, तरुण दल मकवानपुरका सचिव सचित थापा लगाएत लोकतान्त्रिक गठबन्धनमा आवद्ध दल नेपाली कांग्रेस, माओवादी केन्द्र र एकीकृत समाजवादीका विभिन्न तहका नेता तथा कार्यकर्ताहरुको उपस्थिति रहेको थियो ।