लोकतन्त्र जोगाउन र विकास गर्न लोकतान्त्रिक गठबन्धन : थापा

२८ कार्तिक, हेटौंडा । प्रतिनिधिसभा मकवानपुर क्षेत्र नम्बर १ का उम्मेदवार कमल थापाले लोकतन्त्र जोगाउन र जिल्लाको विकासका लागि लोकतान्त्रिक गठबन्धनले जित्नु आवश्यक रहेको बताउनु भएको छ । 
हेटौँडा–१५ भोर्लेमा चुनाव प्रचार कार्यालय उद्घाटन गर्दै उपप्रधानमन्त्री समेत रहनु भएका थापाले देशमा दुई तिहाई ल्याएर लोकतन्त्र मास्ने षड्यन्त्रमा बाम गठबन्धन लागेकाले लोकतान्त्रिक गठबन्धन बनाएर यसको रक्षाका लागि उत्रनु परेको बताए । उनले लोकतन्त्रको रक्षा र जिल्लाको विकासका लागि मकवानपुरमा लोकतान्त्रिक गठबन्धनको विजय आवश्यक रहेकोले मतदाताले साथ दिनेमा आफु विश्वस्त रहेको बताए ।
कार्यक्रममा बोल्दै प्रतिनिधिसभा मकवानपुर क्षेत्र नम्बर १ को प्रदेश ख का उम्मेदवार अशोक शाक्यले जिल्लालाई विकासबाट पछि पार्ने यसअघिका नेताहरु पुनः मत माग्न आईरहेको भन्दै जनताले यसपटकको निर्वाचनबाट उनीहरुलाई विदा दिने बताए । 
वडा प्र्रचारप्र्रसार समितिका संयोजक गुञ्जबहादुर न्यौपानेको अध्यक्षतामा भएको कार्यक्रममा नेपाली कांग्रेस वडा अध्यक्ष महारत्न लामा लगायतले मन्तव्य गरेका थिए । कार्यक्रममा नेपाली कांग्र्रेस र राप्र्रपाका नेता कार्यकर्ताको सहभागिता रहेको थियो ।