जिल्लाको विकास गरेर राजनीतिबाट रिटायड हुन्छुः अध्यक्ष थापा 

कोषसभालाई सम्बोधन गर्दै उम्मेदवार थापा

३० कार्तिक, हेटौँडा ।  आसन्न प्रतिनिधीसभा  निर्वाचन  मकवानपुर क्षेत्र नम्बर १ बाट प्रतिनिधीसभा सदस्यका उम्मेदवार राप्रपा अध्यक्ष एंव  उपप्रधानमन्त्री कमल थापाले लोकतन्त्रमाथिको सम्भावित आक्रमण रोक्न लोकतान्त्रिक गठबन्धन भएको भन्दै लोकतान्त्रिक गठबन्धनका उम्मेदवारले जिते मकवानपुरमा विकासको मुल फुटने  बताएका छन् ।

 लोकतान्त्रिक गठबन्धनको  हेटौंडा–४ कर्रामा घरदैलो पछि भएको कोणसभालाई सम्बोधन गर्दै थापाले लोकतान्त्रिक गठबन्धनमा रहेका उम्मेदवारहरु प्रधानमन्त्री, मुख्यमन्त्री देखि  मन्त्री सम्म बन्ने हैषियतका भएको मकवानपुरमा  लोकतान्त्रिक गठबन्धनले जित्नु आवश्यक रहेको बताए । उनले भावुक हुदै आफूले ५ दशकको राजनितिक यात्रामा  कहिले भ्रष्टाचार र कुनै गलत काम नगरेको भन्दै  एकपटक मकवानपुरबासीको जनमत लिएर  जिल्लाको विकास गरेर राजनीतिबाट रिटायर्ड लिन चाहेको  बताए ।

त्यस्तै प्रदेशसभा सदस्यको लागि मकवानपुर क्षेत्र नम्बर १  ख  का उम्मेदवार अशोक शाक्यले  शाक्यले वाम गठबन्धन लोकतन्त्रको हत्या गर्न लागिपरेको भन्दै एमाले नेता माधव नेपाल र माओवादी केन्द्रका नेता राम कार्की उत्तर कोरियाको भ्रमण गरेर आएलगत्तै नेपालमा वाम गठबन्धन बनेको आरोप लगाउदै  उम्मेदवार शाक्यले मकवानपुमा विकासको नाममा सिन्को नभाँचेको बाम गठबन्धनले अहिले मैले यो गरेँ मलाई भोट देउ भन्ने नैतिकता नरहेको बताए । 
कोणसभा  वडा नम्बर ४ का  प्रचारप्रसार समिति संयोजक हरि पौडेलको अध्यक्षतामा भएको  थियो । कार्यक्रममा लोकतान्त्रिक गठबन्धनका नेता कार्यकर्र्ताहरुको  उपस्थिती रहेको थियो ।