बामपन्थीले लोकतन्त्रको सम्मान गर्न सकेननः थापा

४ मंसिर,हेटौँडा । लोकतान्त्रिक गठबन्धनको तर्फबाट मकवानपुर को प्रतिनिधि सभा क्षेत्र नम्बर १ का उम्मेदवार एवम राप्रपाका अध्यक्ष कमल थापाले मुलुकमा बामपन्थीले लोकतन्त्रको सम्मान गर्न कहिलै नसक्ने भन्दै जन्ता र विपि कोईरालाको सपना साकार पार्न र  लोकतन्त्रको रक्षाको लागी लोकतन्त्रवादीहरु एक भएको बताएका छन ।

संयुक्त लोकतान्त्रिक गठबन्धन चुनाब प्रचारप्रसार समिति हेटौडा उपमहानगरपालीका वडा न १३ पदमपोखरीमा आयोजीत चुनाबी सभालाई संबोदन गर्दै मन्त्री थापाले मकवानपुरको  विकासमा आफुले  हारे पनि जिते प्रतिवद्ध रहेको बताउदै जिल्लामा बर्षौ देखि राज गर्ने कम्युनिष्टहरुको विकल्प खोज्ने बेला आएको बताएका हुन ।
त्यसैगरी प्रदेशसभा क्षेत्र नम्बर १ का उम्मेदवार अशोक शाक्यले लोकतान्त्रिक गठबन्धनको जित नै जनताको जित हुने भन्दै अब मकवानपुरमा विकास गर्न  लोकतान्त्रिक गठबन्धनको विजय आवश्यक रहेको बताए । साथै शाक्यले लोकतान्त्रिक गठबन्धनले जिते जनताको बर्षौ देखिका अधुरा सपना पुरा हुने प्रतिवद्धता समेत व्यक्त गरेका छन ।

 संयुक्त प्रचार प्रसार समितिका संयोजक कृष्ण थिङ्कोे सभाध्यक्षतामा भएको सभामा लोकतान्त्रिक गठबन्धको निर्वाचन परिचालन संयोजक विष्णु प्रसाद लामिछाने, क्षेत्र नम्बर १ का प्रचार प्रसार संयोजक माइकल रामचन्द्र अर्याल, नेपाली कांग्रेसका समानुपातिक उम्मेदवार पवित्रा विक, राप्रपाका केन्द्रीय सदस्य दिपक बहादुर सिंह, रामहरी न्यौपाने, मधु अधिकारी, लगाएतले मन्तव्य व्यक्त गरेका थिए ।

कार्यक्रममा नेपाली काँग्रेस क्षेत्रिय सभापती तारानाथ चौलागाई,राप्रपाका नगर सभापति गुरु प्रसाद सापकोटा , नेपाली काग्रेस जिल्ला सदस्य इश्वरलाल श्रेष्ठ लगायतकाको  उपस्थिति रहेको थियो ।  साथै लोकतान्त्रिक गठबन्धनले उम्मेदवार सहित हेटौँडा १३को पदमपोखरी बजार ,बनस्पति सहित र हेटौँडा १० नम्बर वडाका भुटनदेवी, राम मन्दिर लगायतको स्थानमा याली सहित घरदैलो कार्यक्रम सम्पन्न गरेको छ ।