घैंटो फुटाई प्रतियोगिता आग्राको कब्जामा

१० भदौ, थाहानगर । उत्तरी मकवानपुरको थाहा नगरपालिकामा भएको घैँटो फुटाई प्रतियोगिता आग्राले कव्जा गरेको छ । प्रतियोगिताको ३ वटै पुरस्कारमा आग्रा युवा क्लवले कब्जा जमाएको हो । विगत २१ वर्ष देखि उत्तरी थाहा नगरपालिकामा हुदैँ आइरहेको प्रतियोगिता शिखरकोट वजारमा भएको थियो ।
२५ फिट, २० फिट र १८ फिट उचाईमा रहेको घैँटो फुटाउदँै आग्रा युवा क्लवले उपाधि उचालेको हो । विजेता आग्राले नेकपा माओवादि केन्द्रका दलित मुक्ति मोर्चाका क्षेत्रिय अध्यक्ष तथा जे.एस सुनचाँदि पसल शिखरकोटका प्रोपाईटार जमिन दियालीबाट प्रथम पुरस्कार स्वरुप ५ हजार , राप्रपा नेपाल थाहा नगर कमिटि अध्यक्ष हरेराम कार्कीबाट द्वितिय पुरस्कार स्वरुप ३५ सय र तृतिय पुरस्कार स्वरुप नाडेप लघुवित्त फाइनस कम्पनी थाहानगर शाखा प्रमुख कृष्ण दाहालको प्रायोजनमा २५ सय प्राप्त गरेको छ ।

५ टिमको सहभागिता रहेको प्रतियोगिताका विजेतालाई थाहा नगरपालिका प्रशासन शाखा प्रमुख अनिल लामिछाने र शिखर क्वलका अध्यक्ष अनित केसीले पुरस्कार प्रदान गरेका थिए । प्रत्येक वर्ष श्रीकृष्ण जन्माष्टमी पर्वको भोलिपल्ट प्रतियोगिता हुँदै आइरहेको छ । शिखरकोट वजार व्यवस्थापन समितिले गर्दै आइरहेको प्रतियोगिता यस वर्ष देखि शिखर क्वल शिखरकोटले गरेको क्लवका अध्यक्ष अनित केसीले जानकारी दिए । थाहा कला केन्द्र मकवानपुरको आयोजनामा तथा शिखर क्वलको सम्मन्वयमा सांस्कृतिक कार्यक्रमको समेत भएको थियो । साँस्कृतिक कार्यक्रममा थाहा कला केन्द्रका कलाकार, स्थानिय लोक गायक मुक्तिनाथ उप्रेति, विवेक पाख्रिन, मकवापुर आईडल भएका दिपराज केसी, द्वितिय स्थान हासिल गरेका दिपक कालिराज लगायतले आफ्नो प्रस्तुति राखेका थिए ।
प्रत्रकार रुपक कालिराज सम्मानित
प्रतियोगितालाई समाचारको रुपमा देशभर प्रसारप्रसारमा सहयोग गरेको भन्दै रेडियो आकाशगंगा ८८.५ मेगाहर्जका समाचार प्रमुख, मकवानपुर न्यूजका सञ्चालक तथा दामन पोष्टका विशेष सम्वाददाता रुपक कालिराजसहितलाई सम्मान गरिएको छ । 

तस्विरहरु : मुक्तिनाथ उप्रेति र रुपक कालिराजको फेसबुकबाट