फागुन २५ गते राष्ट्रपतिको निर्वाचन हुने

१६ माघ, काठमाडौं । फागुन २५ गते राष्ट्रपतिको निर्वाचन हुने भएको छ । निर्वाचन आयोगले सोमबार पत्रकार सम्मेलन गरी फागुन २५ गते राष्ट्रपति र चैत ३ गते उपराष्ट्रपतिको निर्वाचन गर्ने जानकारी दिएको हो ।
राष्ट्रपतिको निर्वाचनका लागि मतदाता नामावली प्रकाशन फागुन १० गते, दाबी, विरोध, उजुरी फागुन १० र ११ गते, निवेदन तथा उजुरी उपर छानबिन फागुन ११ र १२ गते गर्ने कार्यतालिका रहेको छ । 
त्यसपछि अन्तिम मतदाता नामावली प्रकाशित गर्ने १२ गते र उम्मेदवार मनोनयन पत्र दर्ता गर्ने फागुन १३ गते रहेको छ । उम्मेदवारको सूची प्रकाशन फागुन १३ गते साँझ, उम्मेदवारको विरुद्धमा उजुरी दिने फागुन १४ गते, मनोनयन र उजुरीमा छानबिन गरी निर्णय गर्ने फागुन १४ र १५ गते, उम्मेदवारको नामावली प्रकाशित गर्ने फागुन १५ गते साँझ, उम्मेदवारले नाम फिर्ता लिने फागुन १६ गते, उम्मेदवारको अन्तिम नामावली प्रकाशित गर्ने फागुन १६ गत साँझ र मतदान गर्ने २५ गते रहेको आयोगका प्रवक्ता शालिग्राम पौडेलले जनाए । त्यस्तै उपराष्ट्रपतिको निर्वाचनका लागि मनोनयन पत्र दर्ता फागुन २७ गते, उम्मेदवारको सूचि प्रकाशित गर्ने र विरोधमा उजुरी पनि सोही दिन, मनोनयन पत्र र उजुरी उपर जाँचबुझ गरी निर्णय गर्ने २८ गते, उम्मेदवारको अन्तिम नामावली प्रकाशित गर्ने फागुन २८ गते रहेको छ ।
सातै प्रदेशमा मतदानका लागि तत्काल सम्भव नभएपछि मतदान काठमाडौंमा नै हुने भएको छ ।