जंगली जनावरको आतंक रोक्न सांसदहरुको माग

१४ फागुन, हेटौंडा । बागमती प्रदशे सभाको शनिवार साँझ बसेको बैठकमा बिषेश समय लिएर बोल्ने अधिकांस सांसदहरुले प्रदेशको समयसामयीक विषयसँगै निकुञ्ज र आरक्षका कारण आसपासमा बस्ने नागरिकहरुले जंगलि जनवारबाट समस्या भोेग्नु परिरहेको धारणा राखेका थिए ।
बैठकमा बोल्दै नेपाली कांग्रेसका सांसद इन्द्रबहादुर बानियाँले निकुञ्ज र आरक्षमा संरक्षित रहेका जंगली जनावरहरुको आक्रमणबाट आरक्ष र निकुञ्ज आसपासका नागरिकहरुको जनधनको क्षती पुगेको भन्दै सरकारले तत्काल त्यसतर्फ ध्यानदिनुपर्ने माग गरेका छन् । उलने प्रदेश सरकारले तत्काल संघीय सरकारसंग समन्वय गरेर कानुनी रुपमा मै नागरिकले भोगिरहेका समस्या समाधनको लागी पहल गर्न आग्रह गरे ।
केहि दिन यता राष्ट्रिय निकुञ्जबाट निस्किएको हात्तिले मकवानपुरको मनहरी र बकैया तथा सिन्धुलीको कमलामाईमा गरि तीन जनाको ज्यान लिइसकेको बताउँदै मृतकको परिवारलाई क्षतिपूर्ती र हात्तिलाई नियन्त्रणमा लिने व्यवस्था मिलाउन सांसद बानियाँले ध्यानाकर्षण गराए ।
यस्तै मााअ‍ेवादी केन्द्रका सांसद प्रेमबहादुर पुलामीले मकवानपुरको विभिन्न क्षत्रेमा जंगली हात्तिको आक्रमणबाट नागरिकहरुको ज्यान गइरहेको भन्दै त्यसलाई नियन्त्रणमा लिन माग गरे । उनले सरकारले निर्माण गरीरहेको तराई काठमाडौं फास्ट ट्रयाकका कारण बकैयाका केही नागरिकहरुको बासस्थान नै विस्थापीत हुने अवस्थामा पुगेको भन्दै ध्यानाकर्षण गराए । 
यसैगरी नेकपा एमालेकी सांसद भारति पाठकले पनि जंगली जनावरले मच्चाइरहेको आतंकलाई नियन्त्रणमा लिन सरकार जिम्मेवार बन्नुपर्ने बताईन । वन क्षत्रेको व्यवस्थित प्रयोगबाट नागरिकको आयआर्जनमा सहयोग पुग्ने किसिमका निति निर्माण गर्ने तर्फ प्रदेश सरकार गम्भिर बन्नेपर्ने उनको भनाई थियो ।