हेटौंडा-७ मा निशुल्क स्त्री रोग सम्बन्धि स्वास्थ्य शिविर

२६ फागुन,हेटौंडा । हेटौंडा-७ मा एक दिने स्त्री रोग सम्बन्धि निशुल्क स्वास्थ्य शिविरको आयोजना गरिएको छ। हेटौंडा वडा नम्बर-७ को कार्यालयको आयोजना,परिवार नियोजन संघ तथा सुनौलो भविष्य नेपाल हेटौंडाको प्राविधीक सहयोगमा निशुल्क स्वास्थ्य शिविरको आयोजना गरिएको हो।

वडा कार्यालय तथा नागस्वती शहरी स्वास्थ्य केन्द्रमा संचालन गरिएको उक्त शिविरको हेटौंडा उपमहानगरपालिकका उपप्रमुख राजेश बानियाँले कार्यक्रमको ब्यानर पढेर शिविरको शुभारम्भ गरेका थिए। 

हेटौंडा-७ का वडाअध्यक्ष दामोदर गौतमको सभाध्यक्षतामा भएको शिविर शुभारम्भ कार्यक्रममा हेटौंडा-७ का वडसदस्यहरु सन्तुमाया पाख्रिन,श्याम सुन्दर परियार, राधिका विक र दिनेश थापामगर, नव ज्योती माध्यमिक विद्यालय व्यवस्थापन समिति अध्यक्ष कृष्ण बहादुर थापा, ७ नम्बर टोल विकास समन्वय समिति अध्यक्ष युवराज गौतम, नागस्वती शहरि स्वास्थ्य केन्द्रका उपाध्यक्ष राजु अधिकारी, राजनैतिक दलका प्रतिनिधि, संघ संस्थाका प्रमुख लगायतको उपस्थिती रहेको थियो। 

हेटौडा अस्पतालकी स्त्री रोग विशेषज्ञ डाक्टर ज्योती मुडवरीले परिक्षण गरेको उक्त शिविरमा २११ महिलाले सेवा लिएको वडाअध्यक्ष गौतमले जनाएका छन्। उक्त शिविरमा १५३ महिलाको पाठेघरको जाचँ,एक जना महिलाको पाठेघरमा पलाएको मासु झिकेको,३ जनाको पाठेघरमा रिङ राखेको र २ जना महिलाले परिवार नियोजन सम्बन्धि सेवा लिएको वडसदस्य दिनेश थापामगरले बताएका छन्।