स्ववियु निर्वाचन: पालुङ बहुमुखी क्याम्पसमा उम्मेदवारी दर्ता

२७फागुन,हेटौंडा । मकवानपुरको थाहानगरमा रहेको पालुङ बहुमुखी क्याम्पसमा स्ववियु निर्वाचनका लागि उम्मेदवारी दर्ता भएको छ।

त्रिभुवन विश्वविद्यालयले तय गरेको स्वतन्त्र विद्यार्थी युनियन (स्ववियु) निर्वाचनको कार्यतालिका अनुसार आज फागुन २७ गते समानुपातिक र प्रत्यक्षतर्फको उम्मेदवारी दर्ता भएको हो।आगामी चैत्र ५ गते हुने निर्वाचनको लागि पालुङ क्याम्पसमा विभिन्न ४ विद्यार्थी संगठनको सहमतिमा उम्मेदवारको मनोनयन  दर्ता भएको हो।

पालुङ क्याम्पसले जारी गरेको बिज्ञप्तिमा बिहान ११ बजेदेखी २ बजे तोकियको समयमा अनेरास्ववियु ,अखिल क्रान्तिकारी ,नेबिसंघ,र राप्रबिसंको सहमतिमा उम्मेद्बारी दर्ता भएको हो।

दर्ता भएको उम्मेद्बारीमा सभापतिमा पुस्कल श्रेष्ठ ,सचिव दिलिप रुम्बा,कोषाध्यक्ष आयाम नापित,र सदस्यहरुमा मेनुका देउला,मोनिका खत्री र पुष्पा कार्की रहेको निर्वाचन अधिकृत कुमार नेगीले जानकारी दिएका छन्। 

तेस्तै समानुपातिक तर्फ अखिल क्रान्तिकारी बाट सविता केसी,नेबिसंघ बाट रोशनी गोपाली र नविना अधिकारी,अनेरास्ववियु बाट सुस्मिता श्रेष्ठ र राप्रबिसं बाट पुष्पा पाख्रीन रहेको निर्वाचन अधिकृतको कार्यालय पालुङ क्याम्पसले जानकारी दिएको छ।पालुङ बहुमुुखी क्याम्पसमा स्ववियुको अध्यक्ष, सचिव र कोषाध्यक्ष तथा ३ जना सदस्य प्रत्यक्ष निर्वाचन प्रणाली र उपाध्यक्ष र सहसचिव तथा ३ जना सदस्य समानुपातिक निर्वाचन प्रणालीबाट चयन हुनेछन् ।