नेपाल शिक्षक संघ बागमती प्रदेश सिंखडाको नेतृत्वमा

१३ चैत,हेटौंडा  । नेपाल शिक्षक संघ वाग्मती प्रदेशको अध्यक्षमा दीपक सिंखडा निर्वाचित हुनुभएको छ । आइतबार राति प्रेदेशको राजधानी हेटौंडामा सम्पन्न निर्वाचन प्रकृया अन्तर्गत सिंखडा संघ बागमती प्रदेश अध्यक्षमा निर्वाचित भएका हुन्।सिंखडा राजेन्द्र अधिकारीलाई पराजित गर्दै अध्यक्षमा निर्वाचित भएको निर्वाचन संयोजक दिपकलाल खतिवडाले जनाएका छन्। 

यसैगरी संघको बागमती प्रदेश वरिष्ठ उपाध्यक्षमा टंकप्रसाद दाहाल, उपाध्यक्ष (महिला)मा कमलाकुमारी थापा, खुला उपाध्यक्षमा दीपशंकर चौलागाइँ र अनिलकुमार झा,निर्वाचित भए भने महाचिवमा राजेशराज महत निर्विरोध निर्वाचित भएको जनाइएको छ।त्यसैगरी महिला महासचिव अर्थमा शान्ति गजुरेल पनि निर्विरोध निर्वाचित भए। उपमहासचिव खुलामा रुद्रकुमार धमला, उपमहासचिव अर्थमा अर्जुनप्रसाद लामिछाने निर्वाचित भएका छन्। 

उपमहासचिव महिलामा रश्मी तामाङ निर्विरोध निर्वाचित हुँदा उपमहासचिव समावेशीमा ओमप्रकाश बन्जाडे र भेषराज थापा  त्यसैगरी खुला सदस्यमा  दुर्गादेवी गुरुङ, रामबहादुर घ्यावा, कमल गुरुङ, ज्ञानेन्द्र बर्ताैला, बिर्जबहादुर घोले, सुनीता नेपाली, केशवबहादुर डोटेल, दीपेन्द्र रेग्मी, ज्ञानेन्द्रप्रसाद सन्जेल, बलराम गिरी र श्रीकृष्ण केसी निर्वाचन भएका छन्। 

महिला सदस्यमा  गीता न्यौपाने, शकुन्तला त्रिपाठी, कल्पना मोक्तान र मुना नांगिला पन्त निर्वाचन भएको जनाइएको छ। चैत्र ११ र १२ गते दिन सम्म चलेको संघ बागमती प्रदेश अधिवेशनको कांग्रेस उप सभापति एव प्रतिनिधिसभा सदस्य धनराज गुरुङले उद्घाटन गरेका थिए।