फेकोफन बागमती अध्यक्षमा राई सर्वसम्मत चयन

२३ चैत्र, हेटौडा ।  सामुदायिक वन उपभोक्ता महासंघ( फेकोफन) बागमती गाउँपालिकाको दोश्रो अधिवेशन सम्पन्न भएको छ । बुधबार सम्पन्न अधिवेशनले 

दल बहादुर राइको अध्यक्षतामा बागमती गाउँपालिका स्थानीय महासंघ   सर्वसम्मतरुपमा चयन गरेको छ। उपाध्यक्षमा राममाया थोकर, सचिवमा मेनुका थापा र कोषाध्यक्षमा बासुदेव गोले चयन भएका छन । 

जिल्ला प्रतिनिधीमा पुरुष तर्फ दल बहादुर राई, सन्त बहादुर थिङ, बासुदेव गोले र महिला तर्फ राधिका तिमल्सिना, निर्मला राई र धनमाया स्याङतान चयन भएका छन । प्रदेश प्रतिनिधीमा पुरुष तर्फ खेमराज जर्घा, चिज कुमार परियार, पञ्चलाल भोलन, कुल बहादुर राई र महिला तर्फ रुकु तिमल्सिना, धनमाया स्याङतान, हरिमाया पाख्रिन र राधिका तिमल्सिना चयन भएका छन ।

बागमती गाउँपालिका अध्यक्ष सर्केस घलानको प्रमुख अतिथ्यतामा भएको सम्पन्न अधिवेशनमा गाउँपालिकाका उपाध्यक्ष फणिन्द्र प्रसाद तिमल्सिना बागमती गाउँपालिकाकी निवर्तमान उपाध्यक्ष हर्कमाया स्याङतान, सामुदायिक वन उपभोक्ता महासंघ, बागमती प्रदेशका सचिवालय सदस्य रामहरि चौलागाई, मकवानपुर जिल्ला अध्यक्ष साधुराम चौलागाई, स्थानीय महासंघ हेटौडाका अध्यक्ष शम्भु प्रसाद न्यौपाने, रानी सामुदायिक वनका कार्यालय सचिव भीमसेन पौडेल, स्थानीय समाजसेवी खेमराज जर्घा,विभिन्न सामुदायिक वनका पदाधिकारीहरुको उपस्थिति रहेको थियो ।