रौतहटको गरुडामा गोली चल्यो,एक घाइते

२९ चैत, हेटौंडा । रौतहटको गरुडा बजारमा गोली चलको  छ। गुरुडामा प्रदर्शनकारी र प्रहरीबीच भएको झडपमा प्रहरीले गोली चलाउदा एक  प्रदर्शनकारी घाइते भएकाे प्रहरीले जनाएकाे छ। सूचनाको माग गर्दै केही दिनदेखि गुरुडा नगरपालिकामा दीपक यादव समूहले प्रदर्शन गरिरहेका थिए। यादव समूहले नगरपालिकाको ताला फुटाउन खोज्दा प्रहरीले रोकेको थियो।

प्रदर्शनकारीले प्रहरीमाथि आक्रमण गरेपछि स्थितिलाई नियन्त्रण लिन प्रहरीले १६ सेल टियर ग्यास र हवाई   फायर गरेको थियो। गोली लागेर  गरुडा नगरपालिका वडा नम्बर – ५  लक्ष्मीपुरका २२ वर्षीय गजेन्द्र यादव घाइते भएका छन्। त्यसैगरी प्रदर्शनकारको ढुङ्गा प्रहारबाट ४  प्रहरी घाइते रहेको रौतहट प्रहरीले जनाएको छ। प्रहरीले घटनामा संलग्न ४ जनालाई पक्राउ गरेको छ। प्रहरीले यस घटनामा चार जनालाई पक्राउ गरेको छ। पक्राउ पर्नेमा लोकतान्त्रिक समाजवादी पार्टीको तर्फबाट मेयर उम्मेदवार बनेका गरूडा-७ का दिपक यादव, अभिनाश यादव, दिलिप यादव र अनिल जैसवाल छन्।घाइते यादवको दाहिने हातमा गोली लागेको उपचारका लागि अस्पताल लागिएको जनाइएको छ। स्थितिलाई नियन्त्रणमा लिन गरुडामा ठुलो संख्यामा प्रहरी परिचालन गरिएको छ।