हेटौंडा-६ तरुण दलको शुभकमाना दौडमा मिजार प्रथम

१ बैशाख, हेटौंडा । प्रत्यक  नयाँ बर्षमा नेपाली कांग्रेस तथा नेपाल तरुण दल हेटौँडा–६ नम्बर इकाईको आयोजनामा हुने नयाँ बर्ष शुभकामना खुल्ला ५ किलोमिटर दौड प्रतियोगिता यस बर्ष पनि सम्पन्न भएको छ । 

प्रतियोगितामा पहिलो सन्जिव मिजार दोस्रो उमेश गोङ्वा, तेस्रो शेखर स्याङतान भए। प्रतियोगितामा पहिलो हुनेले नगद १५ हजार, दोस्रोले १० हजार र तेस्रोले नगद ५ हजार रुपैँया प्राप्त गरे । मकवानपुरका ५७ जना धावकहरुको सहभागिता रहेको प्रतियोगितामा २ जना बालक र दुई जना महिलालाई प्रोत्साहन स्वरुप नगद ५ सय रुपैयाँ पुरस्कार प्रदान गरिएको थियो । नेपाल तरुण दल हेटौँडा ६ नम्बर वडा अध्यक्ष कमल कोइरालाको अध्यक्षतामा भएको कार्यक्रममा काँग्रेस मकवानपुर सभापति बुद्ध लामाको प्रमुख आतिथ्यता रहेको थियो।

कार्यक्रममा हेटौंडा उपमहानगरका उप प्रमुख राजेश बानियाँ, हेटौंडा-६ का वडाअध्यक्ष कृष्ण बहादुर दाहाल,७ का वडाअध्यक्ष दामोदर गौतम,१३का वडाअध्यक्ष पेम्बा लामा, कांग्रेस मकवानपुर सचिव भिमसेन महत,तरुण दल मकवानपुर सचिव सचेत थापा ,कांग्रेस ६ नम्बर सभापति रामहरी तिमल्सिना लगायतले मन्तव्य व्यक्त गरेका थिए ।  कार्यक्रममा  पार्टीका जिल्ला सदस्य, विभिन्न भातृ संगठनका नेता कार्यकर्ता लगायतको सहभागिता रहेको थियो।प्रतियोगितामा नेपाल एथ्लेटिक्स संघ मकवानपुरको प्राविधिक सहयोग रहेको थियो।